رواية جواز ابريل

افتكرتي تردي!! انتي فين دا كله المعازيم تقريبا كلهم وصلوا..
أجاب الطرف الآخر فلم يكن سوى صوت أنثوي خاڤت انا مش هقدر اجي يا باسم
ضحك باسم بصوت هازئا ثم جذب شعره من الوراء بحركته المعتادة ثم أجابها بضجر مش وقت هزارك يا روز .. الجو مش مستحمل توتر و..
ظل باسم صامتا برهة مجعدا حاجبيه بحيرة ثم قال مستفهما هو ايه الصوت اللي جنبك دا
ردت رزان بإيجاز انا في المطار وهسافر يا باسم
ردد باسم وراءها بذهول يعني ايه تسافري يا رزان!! هتسافري فجأة كدا .. لحد امبارح كانت الامور معاكي تمام .. ايه اللي جد حاجة حصلت
أخذت رزان نفسا عميقا قبل أن تجيب بهدوء جاتلي فرصة العمر .. عقد لشركة عالمية للازياء ومختارني بالأسم اكون موديل البراند الجديد وانهاردة الصبح حجزولي تذكرة الطيران والاوتيل وكل حاجة

صمت باسم مطولا دون أن ينبث ببنت شفة محاولا استيعاب ما قالت ثم سأل بسخرية والله !! معناه ايه الكلام دا !
أردف باسم بصوت مرتفع من نفسك كدا كررتي من ما تاخدي رأيي .. انتي نسيتي اني اتقدمتلك وانتي وافقتي!!
بقلم نورهان محسن
بعد مرور عشر دقائق
عند ابريل
فى غرفة الملابس
تجلس ابريل على الكرسى محدقة بشرود في شكلها بالمرآة وهي تجفف شعرها الأشقر بالمجفف الكهربائي.
تدلى كتفيها وهي تضعه على منضدة الزينة أمامها متمعنة النظر إلى وجهها الشاحب في المرآة وكان من الواضح أنها مرهقة من تأثير صډمتها القوية لكنها تعلم جيدا أن شعورها بخيبة الأمل والإنهيار أمر طبيعي بعد الفراق لذا فإن التظاهر بالقوة ورفض الاعتراف بالانكسار والحزن شيء لن يساعدها أبدا في تجاوز تلك العلاقة وبالتالي كان عليها أن تطلق العنان لمشاعر الحزن تسيطر عليها لټنهار بلا مقاومة لكنها لن تنسى أنها مرت بأقسى الأمور فى حياتها فألم الخذلان الذي ېمزق قلبها ليس جديدا عليها.
افاقت ابريل من أفكارها وهى تنفض رأسها بقوة حتى تتمكن من إزاحة تلك الذكريات من عقلها بينما يعلو وينخفض صدرها لتنظم تنفسها ببطء كما اعتادت لأنها يجب أن تجمع نفسها بأسرع ما يمكن.
بعد وقت قصير
تنظر ابريل إلى ملابسها في المرآة المؤلفة من بنطلون أسود بقماش الساتان وأرجل واسعة بطيات من الأعلى مع قميص من نفس اللون وأكمام طويلة بياقة عريضة ويضاف إليها حزام يلتف حول خصرها على شكل ربطة جانبية ضخمة يتدلى منها ذيل أمامي قصير لتجمع بين الأنوثة والأناقة.
إنتهت ابريل من حزم الأشياء المهمة فقط داخل حقيبة صغيرة الحجم وبالطبع لم تنس وضع جهاز استنشاق الربو ثم أخذت أداة صغيرة كالعلبة من فوق الطاولة واستدارت وخرجت من الغرفة الصغيرة وعيناها مثبتتان على ثوبها الملقى على الأرض.
بقلم نورهان محسن
فى الحديقة
عند باسم
نفخ باسم خديه بضجر ليقول بصوت ساخط مش فاهم عقد وشركة ايه اللي عمالة تكلمي عليهم .. ما قولتلك انك هتشتغلي معايا وهتكوني نجمة الحملة الاعلانية الجديدة زي ما انتي عايزة ..
ردت رزان بنفى الكلام دا بسمعو منك من اول ما اتعرفنا علي بعض يا باسم ومفيش حاجة حصلت .. انت اصلا مش متحمس لفكرة اني اشتغل معاك .. رغم انك عارف اني عايزة ابقي موديل وممثلة مشهورة
لم يرد باسم فإستطردت رزان قائلة بنبرة مرتبكة إلى حد ما عموما انا مقدرتش اسافر من غير ما اكلمك عشان شوفت مكالماتك ليا لما فتحت تليفوني دلوقتي ومحبتش تفضل منتظرني
قهقه باسم بخفة وسرعان ما انقطع صوت ضحكاته هاتفا بتهكم والله طب كويس أن سعادتك لاقيتي وقت تكلميني دا