تكملة لروزان مصطفى

ينظر لها بنصف عين ناعسة نظر حوله وهو يتفقد المكان ويقول يالهوي إحنا نمنا هنا! 
يافا وهي تضم ركبتيها لصدرها قالت وحرفيا أمهاتنا لو صحيوا وشافونا هتبقى نهايتنا. 
وقف تيام وهو يحرك ذراعيه وعنقه حتى يشد عظامه المرخية ثم حذف الهاتف الخاص به على يافا قائلا خدي سجلي رقمك عندي عشان أكلمك وإحنا في أوضنا. 
نظرت له يافا بسخرية وقالت دا إنت عملت نفسك صاحبي بقى. 
تيام وهو يميل برأسه يمينا قال بإبتسامة أصل دمك خفيف وروحك حلوة والسهرة معاكي كانت حلوة ف ليه لا 
يافا وهي تسجل رقمها داخل هاتفه وليه أه 

مدت يدها بالهاتف لتعطيه له فإلتقطه وهو يقول عشان سجلتي رقمك مثلا هاتي إيدك أقومك ولا حبيتي قعدة الأرض 
مد يده تجاهها فوضعت يدها في يده سحبها مرة واحدة لټرتطم بجسدها في جسده وتنظر له وخصلات شعرها تشابكت مع رموش عينيها الطويلة مد أصابعه ليزيح خصلات شعرها وهو يضحك ويقول على الأقل صحوبيتي هتنقذك من الملل اللي إنتي فيه.. 
كانت ترتجف بردا ورهبة بينما هو تركها وقال بهمس شيلي الكوبايات والطبق قبل ما يقفشونا. 
خرج من الشفة بينما ظلت يافا واقفة مكانها تنظر لأثره أفاقت على صوت ضوضاء الشارع وبوق سيارة مزعج لتنحني وتحمل الأكواب الفارغة المتسخة والصحن الفارغ. 
وقفت على الحوض لتغسل في المطبخ بينما دخلت أماني وهي تفتح باب الثلاجة وتقول بنعاس صباح الخير. 
تعجبت يافا وقالت بجدية صباح النور. 
أماني وهي تغلق الثلاجة يا ترى مامتك موصياكي تصحي بدري ليه عشان تشوفي هتزعجينا إزاي 
نظرت لها يافا بعد ما إنتهت من غسل الأكواب وقالت هو أنا لو عايزة أزعجكم هستنى ماما تقولي ليه 
أماني وهي تضع في الكوب بعض من العصير قالت حلو يعني عارفة شغلك من غير ما حد يوصيكي. 
يافا پغضب إيه عارفة شغلك دي إيه الإسلوب دا. 
إستيقظت تهاني بعد ما قامت بغسل وجهها ودخلت إلى المطبخ وهي تقول أصبحنا وأصبح الملك لله في إيه مالك بتحر قي د م بنتي ليه 
أماني ببرود ياريت أقدر دا إنتوا تحر قوا بلد كاملة. 
تأففت يافا وهي تقول أنا هنزل يا ماما أجيب حجات لأوضتي من محل زي ما قولتلك. 
تهاني وهي تنظر لأماني وهاتيلنا معاكي حاجة نتغدى بيها أنا وإنتي إشويلنا سمك ولا فراخ ولا أي حاجة وإتصلي عرفيني جبتي إيه.. عشان أعمل على أساسه لو سمك مشوي أعمل رز أبيض طري ولو فراخ هعمل كيس مكرونة. 
يافا وهي تتثائب حاضر. 
دخلت لغرفتها حتى تبدل ملابسها لتجد رسالة أضاءت هاتفها حملت الهاتف وهي تنظر لها وجدت على تطبيق الواتس آب محادثة جديدة. 
قامت بفتحها لتجدها من تيام كان يضع صورته فقامت بتسجيل رقم هاتفه في هاتفها كانت الرسالة عبارة عن رابط لأغنية وبما أنه شاركها إياها يعني يودها أن تستمع لها قامت بفتح الرابط ووضعت الهاتف على الفراش وهي تبدل ملابسها وتستمع للأغنية التي تقول كلماتها 
أيوة أنا عارف إن كلامي عليها كتير أصل حكايتي معاها حكاية حب كبير دا أنا من يوم ما سابتني وقلبي ماهوش مرتاح أسكت ليه دا أنا بس بقول إسمها برتاح 
إستمعت للأغنية حتى إنتهت وإنتهت هي أيضا من تبديل ملابسها إلتقطت الهاتف ووقفت أمام المرآة وهي تسجل مقطع صوتي لتيام تقول به الأغنية رغم إن كلماتها حزينة بس ألحانها فظيعة بجد عبقرية لاحظت إنك بتركز على الألحان أكتر حاجة في أي أغنية وصوت عمرو دياب عامل إيفيكت فظيع. 
أغلقت هاتفها وحملت حقيبتها وخرجت من الغرفة أغلقتها خلفها وهي توجه حديثها لوالدتها قائلة عاوزة حاجة تاني يا ماما من تحت 
تهاني وهي ترفع رأسها وتنظر لها سلامتك يا ماما معاكي فلوس 
يافا بهدوء أه معايا متقلقيش يلا سلام. 
خرجت من الشقة وأغلقت الباب خلفها بينما ظلت تهاني تجلس أمام أماني في الصالة وكلا منهما ترتشف مشروبا ما. 
نزلت يافا إلى الأسفل وهي تعدل الوشاح الشتوي حول عنقها وتنظر يمينا ويسارا بحثا عن سيارة أجرة إستمعت إلى صوت بوق ففزعت نظرت للسيارة السوداء التي تقف أسفل البناية فتح السائق الباب ونظر ليافا قائلا بصوت واضح هنستهبل بقى بتدوري على تاكسي تعالي إركبي. 
نظرت يافا لتيام وقالت خضتني يا عم أركب فين لا مينفعش
لو مامتي ومامتك شافونا. 
أغلق عينيه وهو يحرك رأسه تجاهلا لحديثها وقال يلا بس يلا. 
توجهت تجاه سيارته وركبت بجانبه ثم أغلقت الباب عدل تيام من هيئته في المرآة الامامية ثم عدلها على الخلف وهو يقول رايحة فين على الصبح 
يافا وهي تتثائب هروح محل أجيب حجات لأوضتي بعدها هجيب أي حاجة للغدا عشان ماما. 
تيام وهو يضع يده خلف مقعدها وينظر للخلف حتى يعود بالسيارة دون أن يرتطم بشيء قال وكنتي هتعملي دا بالتكاسي كويس إني لسه متحركتش وشوفتك وإنتي نازلة. 
إبتسمت يافا وإنتابها شعور غريب تجاهه تحرك بالسيارة وبدأ بالقيادة حتى رن هاتفه وهو يقول ليافا شوفيلي مين معلش عشان مش عارف أبص. 
نظرت يافا لتجد المتصل چاسمين. 
فقالت بضيق وتلقائية..
يتبع..
ما_بعد_أمطار_الحب
بقلميييي
روزان_مصطفى