ضبط وإحضار لمنال سالم

تجهمت تعبيراتها نسبيا وقالت وهي تتجه للحوض لتغسل الأطباق المتسخة
لأ أنا الموضوع مش في دماغي أصلا.
تحركت خلفها لتقف مجاورة لها وتابعت في قدر من الحماس
طب بصي أنا عندي واحدة قريبتي ابنها لسه آ...
لم تتحمل سماع نفس العبارات المستهلكة عن عروض الزواج وغيرها فقاطعتها في جدية
والله ما بفكر في الحكايات دي يا طنط.
أصرت على موقفها معها قائلة
يا بنتي كل واحدة مسيرها في يوم تتخبط وتتجوز.
في نفس اللهجة الجادة خاطبتها
أنا عايزة أطمن على مستقبلي الأول واشتغل في وظيفة محترمة.
ردت عليها بتصميم لا يقل عن عنادها
وماله اعملي ده بجانب الجواز وبعدين إنتي بتكبري مش بتصغري.

قوست زاوية فمها معلقة في سخرية
قصدك يعني إني هعنس وفرصتي هتقل ومش هلاقي اللي يرضى بيا
في التو صححت لها مفهومها الخاطئ مبدية تبريراتها المنطقية
مقصدش والله بس علشان تلحقي تخلفي وتربي عيالك في شبابك وبعدين علشان ما تكونيش لواحدك لو لا قدر الله أمر الله نفد وموتنا.
نظرت إليها قائلة
بعد الشړ عليكم ربنا يخليكم ليا...
ثم حررت زفرة سريعة لتضيف
بس الحياة مش واقفة على الجواز وبس في حاجات تانية أهم.
لم تحاول الضغط عليها كثيرا وأنهت النقاش في هذا الموضوع مرددة
ربنا يهديلك الحال ويصلح بالك.
لما جن عليها الليل وأصبحت في غرفتها مستلقية على فراشها تشتكي لنفسها من إرهاق نهارها أمسكت بهاتفها المحمول لتتفقد ما فاتها طوال اليوم بالطبع قطع اتصال بسنت عليها ما كانت تقوم به فأجابت عليها لتجدها تصيح فيها بتوتر
إنتي مش بتردي عليا ليه من بدري
أخبرتها في هدوء وهي تتقلب على جانبها لتنام عليه
كنت مشغولة معاهم في البيت ما أنا حكيالك اللي ورانا.
جاء صوتها على نفس الوتيرة المتوترة
نسيت أنا أصلا مش عارفة أتلم على أعصابي من ساعة اللي حصل.
خللت بهاء أصابعها في شعرها المحلول وهمهمت وعقلها يجسد تصورا طيفيا لما مرت به
أومال أقولك عني إيه ده أنا قلبي وقع في رجلي لما لاقيته جمبي.
سألتها بسنت في توجس
تفتكري هيعمل فينا إيه 
أجابت بعد لحظة من الصمت
أي حاجة متوقعة مع الراجل ده.
استطاعت أن تسمع صوت تنهيدتها وهي تردد في تضرع
ربنا يستر ويعديها على خير.
أطبقت بهاء على جفنيها قائلة
بلاش نفكر كتير احنا مش ناقصين توتر.
سرعان ما فتحت عينيها عندما أخبرتها في صوت جاد مشوب بالقلق
طيب ما تنسيش في عندنا تدريب عملي.
تساءلت في تحير
ده بتاع إيه
أوضحت لها في الحال
لما كنتي غايبة اتناقشنا عن موضوع الڼزاع بين الدول وإن في أراضي بتتزرع ألغام في مساحات كبيرة وآ...
ضغطت برأسها على الوسادة وعلقت
افتكرت إنتي كنتي بعتيلي صور بالملخص بس أنا نسيت وما بصتش فيهم.
راحت تكمل بسنت حديثها إليها
إن شاءالله ربنا يعميه عننا ويتلهى بغيرنا أكيد مش هيركز معانا بس.
استلقت على ظهرها لتحملق في سقف الغرفة متمتمة بيأس
بعد توصيات عمي ما أظنش!
داهمتها عشرات الأفكار غير المبشرة والتي تمحورت جميعها حول كيفية استمتاعه بإحراجها على مرأى ومسمع من الآخرين لم تتحمل تخيل المواقف المخجلة التي ستتعرض لها فوضعت الوسادة على رأسها لتخفي وجهها وأخذت تهسهس في تبرم
عملت إيه في دنيتي علشان يبقى حظي كده!
بدا الزي الرياضي مريحا ومناسبا للأجواء الخاصة بالتدريب العملي فكما أخبرتها رفيقتها في وقت سابق أنه من المفترض أن ينتقلوا لمكان آخر بعد تجمع المشاركين في الدورة التدريبية للبدء في تلقي الجزء العملي على أرض الواقع. بالطبع كان الاختباء عن الأنظار هو الاختيار المتوقع بعد لقائهما السابق لهذا فضلت بهاء المكوث في المؤخرة وترك من يفوقها طولا يقفون في المقدمة. كانت ممتنة كذلك لغياب أنس عن التدريب وإلا لما سلمت من مضايقاته المستفزة يكفيها مرتها الأخيرة التي بالكاد تعافت منها. 
في مساحة مزروعة بالعشب والحشائش محاطة بسور من السلك الشائك وتمتد على مدى البصر وقف كافة المشاركين في التدريب في حالة من التأهب والاستعداد لم يكن هناك أي مظلة يستظل بها أحد فقط بضعة خيام منصوبة على بعد عدة أمتار من هذه المساحة مخصصة للراحة وأيضا للعلاج في