رواية لأميرة اسامة

حد مش بيغلط يمكن يوسف غلطه كبير معايا وغلطوا اكبر معاكم بس يوسف زينا بشړ وبيغلط يمكن هو الوقت مش حاسس بالغلط الكبير اللي عمله في حقنا ويمكن كمان يندم عليه بعدين
عشان كده انا عمري ما هقولكم متتكلموش معاه ولا قاطعوا زي ما هو طلب بالعكس هقولكم من فتره للتانيه اسألوا عليه واوعوا مهما غلط تنسوا اي حاجه حلوه عملها معاكم زمان

دارين وحضرتك يا مامي هتنسي وتسامحي
دره ملكوش دعوه بيا انا انا لا هقدر اسامحه ولا هقدر انسي اي حاجه عملها معايا وغلطه كان كبير لدرجه خلتني انسي كل الحلو اللي عمله معايا مش قلة أصل مني بالعكس اوقات
لما شخص غالي عندك بيغلط معاكي ممكن تنسي وتسامحي بس لما الغلط ده يكون مصاحبه ۏجع مهما عدي عليكي وقت مبتقدريش تنسي ولا بتقدري تفتكري الحلو ليه يمكن تسامحيه لوجه الله لكن مستحيل تنسي الۏجع 
بس انتوا غيري ده بباكم ومهما حصل هيفضل اسمكم مكتوب علي اسمه وفي بينكم رابط قوي كلموا وأسألوا عليه وحتي لو هو رفض متبطلوش تحاولوا لحد ما تحسوا ان مفيش امل وقتها تبقوا عملتوا اللي عليكم قدام ربنا هو مش حاسس بالغلط اللي مستمر فيه بس كمان اوعوا تنسوا انه لوحده في بلد غريبه حتي لو دينا معاه فاهو لوحده لان دينا مش هي عيلته هو للاسف مخدوع فيها لسه لكن انتوا عيلته الحقيقه ولو عليا انا عمري ما هزعل بس ليا طلب واحد عندكم
دانه طلب ايه
دره كلامكم معاه ده لو حصل يعني يبقي كلام عنكم ويخصكم ويخص علاقتكم بيه وبس انا بره كلامكم اي وقت يحب يكلمني او يتواصل معايا توقفوا الكلام اي وقت يقولكم هبعتلكم فلوس لو وقتها عرفت انكم وافقتوا ساعتها هزعل منكم بجد انا مش عايزه منه اي حاجه ولا انتوا محتاجين لفلوسه دي 
دانه بس ده حقك يا مامي ومتزعليش مني هفضل اكرر كلامي ده كتير متاخديش منه هو اي حاجه بس علي الاقل خدي تعبك وحقك
دره حقي هعرف اجيبه بطريقتي يا دانه انتي كان معاكي حق في ان الفلوس دي بتاعتي بس انا هجيب حقي بطريقه تانيه غير اللي فكرتي فيها هجيبه بطريقه شرعيه طريقه تردلي كرامتي مش تقلل مني وتخليني حاسه اني زي الحراميه وانا مش حراميه يا دانه عشان اخد حقي في السر او اعمل نفسي مش واخده بالي من الطريقه اللي حقي بيرجعلي بيها يوسف خد حقي مني بالورق وانا هرجع حقي بالورق المهم اني مش عيزاكم تزعلوا من اللي حصل الصبح وانا كنان مش زعلانه منكم بس اوعدوني مفيش حاجه تحصل تاني من ورايا وتعرفوني كل حاجه من غير ما تخافوا علي زعلي لاني مش هزعل منكم إلا لو خبيتوا عليا تمام يا بنات 
دانه تمام يا مامي واوعدك دي اول واخر مره هزعلك فيها او اعمل حاجه من وراكي
دارين حقك علينا يا مامي متزعليش مننا 
ديما منكم انتوا انا مليش دعوه انا معملتش حاجه 
ضحكوا كلهم علي ديما وخدتهم دره بحب 
اما عند سونه 
بصت لسماح پصدمه
سونه انتي بتقولي ايه يابت وكرم ماله ومال دره
سماح ياما بنقولك الست كانت حالتها مش حلوه وحسن قالي انها لما شافتهم بيلحقوها كانت هترمي روحها علي الطريق
سونه بردوا كرم ماله خرج ليه وراها من الاساس
سماح بنقولك ايه يا سونه وانبي ما تطلعي شياطينك عليا انتي قولتيلي ايه اللي حصل وانا عرفتك وبعدين اكيد يعني ياسونه كرم مش هيشوف دره في الحاله دي ويسيبها
سونه انتي يابت
عايزه تموتيني بكلامك ده
سماح ونموتك ليه يا سونه اس حد في مطرحه كان هيعمل كده
سونه وبكر مراحش وراها ليه هو مش من ضمن اي حد بردوا
سماح لا ياسونه فهمتيني غلط انا نقصد اي حد مطرح كرم بيحب وشايف حبيبته في الحاله دي اكيد مش هيسببها
سونه فين الشبشب يابت انتي عايزه تنقطيني بتقوليها في وشي
قامت سماح جريت من قدامها ووقفت بعيد 
سونه كرم مبيحبهاش يا بت مستحيل يرضي يدخلها قلبه تاني
سماح لا ياسونه وافهمي بقي شويه و ارحمي روحك من ۏجع القلب اللي انتي فيه ده كرم مخرجهاش من قلبه عشان يدخلها تاني انتي اكتر واحده عارفه انه بيحبها لو مكانش بيحبها او لو كان نسيها كان زمانه معاه عيال طولي الوقت وحتي لو هو قال بعلو حسه انه مش بيحبها وانه نسيها يبقي كداب بيكدب علي روحه قبل ما بيكدب علي الخلق كرم متحملش يشوفها في الحاله دي وساب شغله ودنيته وجري وراها من غير تفكير يبقي ازاي عايزه تقنعي نفسك بانه مش بيحبها فوقي بقي يا امي من حب كرم اللي ۏجع قلبك وضيع عمرك كرم حتي لو مستحيل يرجع لدره فا لازم تقتنعي انه مش ليكي 
حدفتها سونه بالشبشب اللي في
ايدها دخلت سماح اوضتها بسرعه وقفلت عليها 
سونه بحزن كانت هتتجنن وافتكرت لما شافت دره راجعه وبعدها بشويه كرم دخل بالعربيه يبقي كان معاها راح وراها ومسبهاش طب وعدتني ليه يا كرم لما انت هتخلي بيا ادتني امل ليه لما انتي ناوي تصحيني علي ۏجع فضلت سونه ټعيط بۏجع 
اتجمعوا العيلتين كل واحد فيهم في بيته دره كانت مبسوطه والجو بينهم كان جميل وكله حب عبدالله وزكريا ونبيله ودعاء حاولوا يغيروا المود بعد اللي حصل الصبح وقدروا يعملوا كده
طول الوقت البنات قاعدين جنب دره اللي و نايمه 
وطبعا الجو العام مخليش من هزار وضحك حسن دارين كانت كل شويه تتوه منهم وتفتكر كلام هيما واعترافه ليها بالحب كانت كل شويه تبتسم من غير داعي مبسوطه وفي نفس الوقت مش قادره لسه تحدد شعورها من ناحيته اه لسه محبتهوش بس مقدرتش تنكر ان نظرتها عنه اتغيرت بعد ما كانت شايفه انه رخم ومش طيقاها حست انها كانت ظلماه وشخصيته الحقيقيه اللي ظهرت ابهرتها واعجبت بيها ودي حاجه مبشره 
اما عن دره من وقت ما سابت كرم وهي قلبها مش مبطل دق وخصوصا كل ما تفتكر كل اللي حصل طول اليوم كانت مبسوطه وملامحها زادت جمال من كتر ما هي حاسه براحه جواها مش طبيعيه 
بعد ما البوم خلص وطلعت هي والبنات دخلوا البنات علي اوضهم ناموا وفضلت دره قاعده بره مبتسمه ماسكه الموبايل في ايدها وجايبه صورته وسرحانه في كل تفاصيله 
وفجأه الموبايل رن ولمحت اسمه بصت للاسم پصدمه وفضل قلبها يدق بسرعه
في الوقت ده كرم كان واقف في البلكونه وباصص علي بلكونتها
دره بإرتباك الووو
كرم لا بنقولك ايه انتي لسه هتقولي الو قومي تعالي يابت بسرعه
دره نيجي فين
كرم اطلعي البلكونه عايز نشوفك
دره بأبتسامه لا مش هنطله
كرم بأبتسامه رفع حاجبه متأكده
دره ايه هتنط وتيجي انت 
كرم مچنون ونعملها انتي عارفه بس المسافه بعيده هنقع وڼموت بس ممكن نعملوا حاجه تانيه لو مطلعتيش
دره بابتسامه واسعه هتعمل ايه
كرم بسيطه ثواني وهتلاقيني واقف بنخبط علي بابك وانا قولتلك انا لما بتروح مني بنبقي عيل خافي مني بقي
دره بضحك هتلاقي الباب تحت مقفول
كرم هنطفشه هي شغلانه سهله يعني
دره رفعت حاجبها ونبرتها اتغيرت شويه انت هتقولي ما انت متعود وباب الست سونه يشهد
كرم بضحك مالك ومال سونه بتحطيها في جمله مفيده ليه القمر بتاعي لسه غيران
دره بتنهيده ابتسمت اقفل ياكرم عشان منقفلوش السكه في وشك
كرم طب جربي كده يا شبر ونص ودين محمد هتلاقينا بجد قدامك
دره بضحك انت عايز ايه الوقت
كرم عايز نشوفك قبل ما ننام
دره وانا مش هنيجي
كرم ليه مش عايزه تشوفيني 
دره لا بس انت بدأئتها غلط معايا يا ابن الرفاعي
كرم رفع حاجبه وفين الغلط بس
دره اولا قولتلي قومي يابت تعالي ثانيا قولتلي يا شبر ونص
كرم بضحك طب وانا غلطت ما انتي شبر ونص
دره هنقفلوا في وشك والله
كرم بضحك لا خلاص متقفليش قومي يا ست البنات اطلعي 
دره بشقاوه امممم لا محستهاش
كرم ضحك طب قومي أطلعي يا أحلي دكتوره في الدنيا 
قامت دره في الوقت ده وهي رايحه علي البلكونه 
دره امممم برده لسه مش عجباني
كرم رفع حاجبه وهو بيضحك ودين محمد لو ما شوفتك قدامي الوقت لا تعتبري ان الوعد ملغي واي وقت هلمحك قدام حد فيهم هخليكي مش عارفه تنطقي من اللي هنقوله يابت الجمال امسكي في سلك العقل عندك بدل ما نتجننوا عليكي 
ضحكت دره وهي بتفتح الشباك
اول ما شافها ابتسم
كرم ايوه كده ناس متجيش غير بالعين الحمراء
دره لا متسوقش فيها بدل ما ندخلوا انا مش بنتهدد 
كرم بابتسامه وهو بينفخ الدخان طب وحشتيني 
ابتسمت دره و بعدت عينها تبص علي الشارع بإحراج
كرم بنقولك وحشتيني هااا
بصتله دره وهي بتضحك
دره وانت كمان منمتش ليه لحد الوقت 
كرم مش جايلي نوم وقولت نشوفك قيل ما ننام
دره طيب يلا ادخل عشان تقدر تصحي الصبح
كرم عايزه تخلصي مني
دره لا عيزاك تنام وترتاح عشان شغلك وانا كمان عندي شغل كفايه انهارده مروحتش بسبب علي الله بس لما اروح ملاقيهمش رفدوني 
كرم طب خلي حد بس يتجرأ ويعملها
ويبقي لعب في عداد عمره 
دره بضحك ايه هترزح تتعارك مع مدير المستسفي 
كرم بغمزه نتعاركوا بس ده انا اجيبه لحد عندك يقولك المستشفي وصاحب المستشفي فدا عيونك يا احلي دكتوره
دره بضحك لا وعلي ايه قلبك ابيض يا سيد المعلمين
كرم بحب طيب يلا ادخلي نامي وارتاحي
دره هتنام
كرم هننام قوليلي الاول حصل حاجهزبينك وبين البنات
دره لا اتكلمنا وكله تمام متقلقش
كرم ماشي يا قلب كرم يلا ادخلي الجو برد
دره تصبح علي خير
كرم وانتي من أهلي يا بنت قلبي
قفلت دره معاه ودخلوا هنا الاتنين وهما طايرين من السعاده 
وللحديث بقية
أبن ليل
صاحبة البطل الواحد
أميره اسامه
البارت الثامن والعشرين 
في صباح يوم جديد صحيت دره والبنات متأخر شويه عشان محاضرات البنات كانت بعد الضهر وهي كمان شغلها كان متأخر شويه بعد ما فطروا ونزلت سلمت علي نبيله نزلوا علي تحت 
ركب البنات العربيه مع السواق بعد ما سلموا علي جدهم وكان معاهم سماح اما الشباب فا مفيش حد فيهم راح قبل ما تركب دارين العربيه بصت بهدوء علي هيما وابتسمت اول ما شافها بتبتسم ابتسم بهدوء وغمزلها ركبت بسرعه العربيه ومشيوا 
دره صباح الفل يا حبيبي
زكريا صباح الورد فطرتي انتي والبنات
دره الحمد لله يا حبيبي امال فين عبدالله
زكريا كان جوه في الدكان مع كرم وبكر
قرب منهم رفاعي 
رفاعي صباح الخير يا دكتوره
دره بابتسامه صباح الفل يا معلم بس بلاش دكتوره دي مش ناوي تقولي دره
رفاعي مش لما تبطلي انتي كلمه معلم وترجعي تقوليلي يا بابا
دره بأبتسامه حب ومين قالك اني بطلتها بس قولت يمكن تكون انت اللي مش عايز
رفاعي بضحك يابت يا بكاشه انا بردوا اللي مش عايز
دره بضحك بصت لزكريا طب قول حاجه انت بقي