رواية لأميرة اسامة
هيبقي في عقاپ اول رفضتي في عقاپ تاني وده بنفذه من غير ما هاخد رأيك ده اولا اما ثانيا بقي وده الاهم انا مش هعديهالك لان بصراحه انا مبسوط وياريت كل مره ترفضي الطلب والعقاپ الاول عشان تقعي تحت ايدي يا دراين
دارين بابتسامه جميله طلعت شرير بجد
هيما اوي
دارين ماشي بس علي فكره انت بتخم وانا قولت وعملت اللي عليا عايز بقي تنفذ عقابك انت وضميرك
دارين يعني مش هعرف أثر عليك
هيما لا خالص المهم
دارين قول
هيما بكره علي العصر كده تكونوا جاهزين
دارين علي العصر ده مش بدري هتبقوا مخلصتوش شغل
هيما لا هنخلصوا بدري متقلقيش وبعدين عشان نلحقوا النور اصلا مشوار زي ده عايز بدري اكتر من كده عشان تتفرجوا علي جمال اسكندريه براحتكم
هيما اكيد ان شاء الله وعموما متقلقيش انا هخليكي تشوفي اسكندريه كلها
دارين ان شاء الله ايه مش هتنام بقي
هيما عايزه تخلصي مني طبعا
دارين لا والله بس عشان هتصحي بدري
هيما ماشي يا ستي تمام انتي هتنامي
دارين اه هنام
هيما اكيد ولا بتوزعيني
دارين لا والله هنام
هيما تمام يلا تصبحي علي خير
قفلت دارين وهي مبسوطه ومبتسمه ونفس الحال كان عند هيما
في صباح يوم جديد صحيت دره دخلت الحمام خدت شاور وخرجت صلت ولبست مرضيتش تصحي البنات عشان مكانوش رايحين الجامعه شربت قهوتها وبعدين سابتلهم فلوس ونزلت
عدت عليهم تحت كانوا بيفطروا ولسه محدش نزل فيهم
خبطت حسن فتحلها
حسن بابتسامه صباح الفل يا احلي دره في الدنيا ادخلي
دره هما بيفطروا
حسن اه جوه تعالي يلا
دخلت دره علي السفره
دره صباح الخير
الجميع صباح النور
نبيله تعالي افطري
دره لا مش قادره فطرت خلاص بالف هنا
زكريا فين البنات يا دره
دره نايمين ما هما مش رايحين الجامعه
دعاء سبيهم انا هنبقي نصحيهم ونفطرهم قبل ما يخرجوا
زكريا ايوه صح نسيت طيب تعالي واقفه ليه
دره هنتأخر والله يا حبيبي انا قولت بس نصبح عليكم
عبدالله صباحك فل ان شاء الله صحيح العربيه تمام ولا فيها مشكله
دره لا زي الفل متقلقش
عبدالله لو حصل فيها اي حاجه عرفيني
زكريا انا بنستغربوا العربيه دي جديده ايه اللي حصلها مره واحده كده
حسن من الركنه يا جدي متنساش انها كانت مركونه وكل فين وفين بتتحرك
دره اطمن هي ماشيه كويس ومفيهاش
اي حاجه
نبيله ربنا يسلم طريقك ويديكي خيرها ويكفيكي شرها
دعاء امين
دره امين يارب يلا مش عايزين حاجه
زكريا سلامتك يا بنتي
نبيله لما البنات يصحوا دعاء هتطلعلك الحاجه بتاعتك
دره ملهوش لزوم يا بلبله ما احنا علي طول معاكي هنبقي ناكلوا معاكي
نبيله يابنتي الحاجه كتير وبعدين قسمناها خلاص
دره ماشي يا حبيبتي يلا كملوا فطار صباحكم فل
نبيله صباحك هنا بالسلامه يا دره
زكريا خدي بالك من الطريق
دره ربنا يسترها سلام عليكم
الجميع عليكم السلام
نزلت دره بصت علي محل كرم كان في واحد من اللي شغالين بيفتح ولسه محدش فيهم نزل ركبت عربيتها وطلعت قبل ما ينزل لا كان عندها طاقه للكلام ولا كانت قادره اصلا تتكلم معاه وكانت حاسه انها لتاني مره تحس بالضغط و الخنقه نفس الشعور اللي كان عندها يوم ما سمعت دانه بتكلم يوسف وقبلها بيوم لما شافت الکابوس وبعدها شافت كرم رايح لسونه كل اللي حست بيه يومها هو نفس اللي بتحس بيه الوقت ولتاني مره يشتركوا في ۏجعها مع اختلاف المواقف والمرادي يوسف مصمم يكلمها في الوقت اللي هي كانت صدقت فيه كرم انه مكانش مع سونه وعبدالله من غير ما يقصد نفي كلامه ورجع شكها من تاني في كرم كانت حاسه انها تايهه ودماغها ھتنفجر من كتر التفكير ومبقتش عارفه هو كرم يوم ما قالها ان الباب بتاع سونه اتقفل كان بيكدب عليها ولا كان بجد مش قادره تصدق غير صوت عقلها وقلبها في اللحظه دي مكانش قادر يفرض سيطرته ويكدب عقلها الضغط اللي كانت حاسه بيه كان اقوي منها هي شخصيا خصوصا ان الۏجع اللي مرت بيه مع يوسف حتي لو كرم قدر يخليها تتخطاه شويه لكن هي مستحيل تنسي بسهوله لانها في النهايه ست وۏجع الست بالطريقه دي من الراجل اللي امته علي نفسها وقلبها بيعلم ويسيب اثر وكان ڠصب عنها انها تشك في كرم الۏجع عملولها عقده ومن الصعب تقدر تثق بسهوله وكرم كان ليه كام موقف وراء بعض يخلوها ڠصب عنها تشك فيه
لكن دره مكانتش تعرف ان قبضه قلبها دي وراها سبب تالت متأجل كام ساعه
مكانتش تعرف ان في الكارما
بتقرب منها وإذا تحرك قطار الكارما فمن الصعب ان توقفه عفوا إنه قانون الكارما يا ساده
وللحديث بقيه
و للكارما رهبه
أبن ليل
صاحبة البطل الواحد
أميره اسامه
البارت السابع و الثلاثون
وصلت دره المستشفي في تمام الساعه العاشره صباحا دخلت علي اوضتها عشان تغير كانت في حاله نفسيه سيئه كل شويه تبص علي الموبايل علي قد ما هي مكانتش قادره تسمع صوت يوسف ولا حابه تاخد الخطوه دي علي قد ما كانت عايزه تعرف ايه الحاجه الضروريه اللي عايز يقولها في اقل من خمس دقايق بصت علي الموبايل اكتر من عشر مرات
لبست البالطوا بتاعها وسمعت صوت موبايلها بصت عليه بسرعه
لكن طلع چاك ردت علي طول وهو صوتها في رعشه وكان قلبها بيدق للحظه فكرته يوسف
دره بحزن ايوه چاك
چاك اهلا دره مال صوتك
دره بحزن تعبانه چاك تعبانه جدا نزلت دموع دره ڠصب عنها
چاك دره انتي بټعيطي
دره اول مره احس اني ضعيفه بالشكل ده حاسه روحي بتتسحب مني
چاك اهدي دره كل ده بسبب مكالمه يوسف لو مش حابه تتكلمي مترديش عليه
دره انا متلغبطه چاك
چاك لسه بتحبيه يا دره
دره من غير تردد نطقت بسرعه
لأ لأ چاك انا ندمانه علي حبي ليه بس فكره اني اسمع صوته بعد كل اللي عمله فيا تعباني وفي نفس الوقت عايزه اعرف ايه الشئ الضروري اللي عايز يكلمني فيه وحتي كرم ااااا
سكتت دره وركز چاك
چاك مين كرم
دره بتنهيده ۏجع نزلت دموعها ده اكتر شخص ظلمته چاك كنت مخطوبه ليه قبل اسافر اهلي هما اللي كانوا حابين ده وانا رفضته و فضلت يوسف عليه واتجوزته وسافرت معاه كنت فاكره انه مش بيحبني واننا لسه صغيرين بس بعد كل السنين دي اكتشفت انه اكتر شخص حبني ورفض انه يتجوز عشاني ولسه متمسك بيا چاك بعد ما وجعته
چاك بحزن وانتي دره بتحبيه
دره بۏجع طول عمري بشوفه اخويا وشخص مقرب ليا هو واهله بس لما جيت وقربت منه بجد حبيته حبيته اوي چاك لدرجه انا نفسي مستغرباها عمري ما توقعت اني اشيل الحب ده كله لكرم في قلبي كرم طلع اوفي من يوسف ابو بناتي اللي ضحيت بكل حاجه عشانه
چاك بحزن ابتسم بهدوء انتي مينفعش متتحبيش دره
مسحت دره دموعها
دره المهم انت بعت ليوسف رقمي صح
چاك بتركيز اه نسيت انا كنت بكلمك عشان كده امبارح لما كلمتك بعت ليوسف الرقم علي طول اول ما قفلت معاكي وبعدها بشويه افتكرت لما قولتلك اني هعرفك قبل ما يكلمك فا رجعت اتصلت بيه تاني بعد ساعه عشان اطلب منه يعرفني امته هيكلمك بس موبايله كان مقفول ومردش اتصلت علي طول علي مكتبه ردت عليا السكرتيره وقالتلي حاجه غريبه
دره بتركيز قالتلك ايه
چاك قالتلي ان يوسف طلع علي المطار من ساعه ولما سألتها سافر فين قالت انه سافر دبي
دره باستغراب دبي هو مش انت قولت انه كان مسافر
چاك ايوه واول ما رجع وعرف من المستشار القانوني الخاص بيه اني قدمت ورق بطعن فيه بالتزوير والإستيلاء علي ممتلكاتك
وعرف انه بعلمك وبتوكيل منك اتصل علي طول بيا يوسف كان راجع اول امبارح بليل فا عشان كده انا استغربت انه سافر امبارح بعد ما بعتله الرقم هو حتي مقالش ان الرقم وصله ولا علق
دره يعني ايه مش فاهمه
چاك انا شاكك ان يوسف جاي يقابلك يا دره
حست دره انها اټصدمت وسكتت ثواني
دره يقابلني انا طب وهيروح دبي ليه
چاك مش عارف بس ممكن يكون هيجي علي دبي الاول وبعدين ينزل مصر ويمكن يكون كل دي مجرد تخمينات ويكون عنده شغل
دره طيب ليه شكيت انه ممكن يكون نزل عشان يقابلني
چاك لان لما يوسف كلمني كان مصمم اني اقنعك عشان توافقي تكلميه وكان عايز رقمك بأي شكل ولما كلمتك الوقت استغربت انه لسه مكلمكيش لحد الوقت انا توقعت بمجرد ما يوصله رقمك يكلمك علي الاقل حتي قبل ما يسافر بس كمان انا شكيت في سفره المفاجئ بالشكل ده انا كلمته بعد ساعه بالظبط لما بعت الرقم وبعدها عرفت انه طلع علي المطار وقفل موبايله بعد ما استلم الرساله اللي فيها رقمك ولما كان بيكلمني مجابش سيره السفر ولما سألت السكرتيره بتاعته هي كمان كانت مستغربه سفره فا مفيش اي حاجه في دماغي غير انه جاي مخصوص عشان يقابلك لان لو كان مسافر لشغل كانت السكرتيره عرفت بس هي قالت يمكن جاله شغل ضروري
دره طيب ولو هو فعلا جاي عشان يقابلني زي ما بتقول ليه
مجاش علي مصر علي طول ليه هيروح دبي الاول
چاك حقيقي مش عارف بس يمكن مكانش في طيران لمصر في الوقت ده وملقاش غير دبي ويمكن هينزل ترانزيت في دبي الاول زي ما انتي سافرتي ويمكن في سبب تاني شاكك فيه
دره ايه هو
چاك يوسف لما كان مصمم يكلمك حسيت من طريقته ان في سبب قوي مخليه متوتر كان عايز يوصلك بأي شكل فا يمكن يكون في حاجه عايز يقولهالك ومش عايز دينا تعرفها فا قرر يسافر علي دبي عشان هي متشكش فيه
دره ايه خاېف منها يعني
چاك يمكن في سبب دره اكيد في سبب قوي بس انا رغم شكي ان في سبب قوي موتر يوسف لكن ده مش هيمنعني اني اطلب منك تخلي بالك كن نفسك وخدي حذرك
دره
دره اخد حذري مش فاهمه چاك انت عارف حاجه ومخبي عليا
چاك انا لو عارف اي حاجه ممكن تأذيكي مش هتردد لحظه اني اقولهالك بس انا بعد اللي يوسف عمله معاكي مش بثق فيه وخاېف عليكي دره فهماني ولحد ما نعرف السبب مش هقدر اثق في الشخص ده عشان كده لازم تنتبهي دره
دره بقلق حاضر چاك متقلقش عليا انا وسط اهلي عمره ما هيقدر يأذيني
چاك حتي لو خدي حذرك منه ارجوكي وياريت اي جديد تبلغيني بيه فورا
دره حاضر چاك متقلقش
چاك اوك دره هسيبك الوقت واكيد هكلمك تاني
دره اوك چاك سلام
چاك سلام
قفل جاك مع دره وهو حاسس بۏجع فظيع ۏجع اعتراف دره بحبها لشخص جديد غير يوسف وۏجع قلقله وخوفه عليها من يوسف ودينا لان مش قادر يوصل للي في دماغهم ولا عارف هما بيفكروا في ايه كان حاسس انه تايه ومش عارف يعمل ايه ولا يتصرف ازاي وكل اللي كان جاي في باله في الوقت ده انه محتاج يكون جنب دره بأي شكل في الوقت ده
اما دره فا كلام چاك مطمنهاش بالعكس قلقها وخۏفها اكتر ما هي قلقانه كانت بتحاول تطمن نفسها انها
