جاسر وعهد

العيشه ال مكنتيش عارفه تعيشها عند امك وشوفتي فلوس جدك وحق ابوكي ال كان حارمكم منه اتجوزتي واحد كبير عشان فلوسه وهو متجوزك عشان جدو وربنا يديم المصالح ي خساره بعتي سعادتك وراحت بالك وبعتي الحب بمقابل فلوس لان ال معاه كتير اوي بس نا مكنش حيلتي حاجه غير حبك انا كنت هعرف اسعدك بس انتي متستاهليش انا ال خساره اقف مع اشكالك بجد عهد بكت وحست ان ف جزء من كلامه صح وانها باعت كل حاجه مقابل الفلوس .. ولا عارفه تعيش حياتها ولا مبسوطه ولا بتحب وحتي جوزها متجوز عليها .. سعادتها كانت اهم
من فلوس العالم .. نورهان مسحتلها دموعها وهدتها وراحو سلمو ع ميار وباركو ليها وقعدو ع الكراسي ..
ام ميار راحت سلمت ع عهد اي ي بت الحلاوه دي 
عهد ميرسي ي طنط منزوقك والله 
ام ميار بس كده من ساعه متجوزتي مشوفكيش 
عهد منا بطلت اطلع بقا للاسف المهم الف مبروك لميار هي تستاهل كل خير
ام ميار هو اه معهوش فلوس زي جوزك بس 
عهد حطت ايدها ع ايد ام ميار هو هيقدر يسعدها متقلقيش الفلوس مش كل حاجه ولا السعاده والحب بيشترو بالفلوس لي دايما الناس باصه للفلوس واي حد معاه فلوس سعيد واي حد معهوش يبقا مش سعيد اقسملك بالله ده العكس انا لما كنت عايشه عند امي كنت مبسوطه. بس حاليا مش مبسوطه ف حياتي جوزي مبيحبنيش متجوز عليا حاجات كتير وحشه بتحصلي يلا بقا ده نصيبي بعد ازنك ومشت ببطء وهي زعلانه وعيونها ع الناس ال عماله تبص عليها ومنزلوش عيونهم من عليها. وعماله تسمع كلامهم .. ال تقول بصو البت صغيره ازاي ومتجوزه واحد كبير اوي امها باعتها عشان الفلوس وال تقول ف اخبار بتقول ان جوزها متجوز عليها عشان كده هي لوحدها هنا يلا ادي اخره ال بيفرح بالفلوس ولتاني مره تسمع كلام الناس ال مورهاش سيره غيرها .. مشت باقصي سرعه وركبت العربيه وپتبكي 
الشوفير ع فين ي مدام 
جاسر خليك مكانك .. انزلي 
عهد بصت جنبها ولقيت جاسر بيفتح الباب ومسك ايدها ونزلها وقفل الباب وهي بصالو ومتنحه 
جاسر يعني الفستان الاحمر ده ينفع تجي بيه هنا لوحدك ول اي الدموع دي ي عم الميكب هيتبهدل وطلع منديل ومسح ليها دموعها 
نورهان كانت طالعه هي ومازن وشافوهم 
مازن جااسر جه
نورهان اااه هروح اسلم عليه
مازن خديني معاكي 
نورهان خف هزار متتحركش من هنا 
مازن لي يعني هو هيغير عليها يعني مهو مبيحبهاش 
نورهان هياخد الموضوع ع كرامته مش هينفع خليك وبلاش مشاكلوقربت منهم وسلمت ع جاسر 
عهد دي صحبتي المقربه
جاسر تشرفنا يصحبتها المقربه وخد عهد ودخلو وكانت ھتموت م الفرحه وهي حاطه ايدها ف ايد جاسر ودخلوا تاني والناس بصو عليهم اكتر من الاول راح قرب من العريس وسلم عليه وسلم ع ميار 
جاسر الف مليون مبروك ليكم بس قاعدين ليه كدا قومو ارقصو. وراح كلم بتاع الدي جي شغل رومنسي ورقصو سلو قرب من عهد ومسك ايدها وشدها لحضنه وهي كانت متبته فيه جدا وعيونها دمعت من الفرحه فضلو يرقصو مع بعض وبعدت عن حضنه وبصت لعيونه وهو باصص لعيونها
جاسر شكلك يهبل انهردا ازاي انا جاتلي الجرءه ان اسيبك تجي حفله الخطوبه دي لوحدك ونا شايف الشباب عنيها هتطلع عليكي 
عهد اهو قول لنفسك بقا منت عندك الاهم مني
جاسر مش اهم ولا حاجه بس لازم اهتم بحملها ومتنسيش ان انا ونتي مستفدين بالابن ال هيجي ول اي
عهد ايوة بس الفلوس مش كل حاجه 
جاسر ده حقنا ي عهد نصيب ابوكي وابويا ونصيبي انا وانتي
عهد لما نشوف الدنيا مخبيالنا اي تاني 
جاسر يلا روحي اقعدي مع صحبتك شويه شان نمشي 
عهد نمشي لي
جاسر عادي هنقعد تاني لي 
عهد هقعد لاخر الخطوبه 
جاسر لا ي عهد
عهد بس ي جاسر 
جاسر مش عايز اسمع مبررات لان قولت مش هتقعدي كتير يلا هتروحي تسلمي عليها ولا نمشي حالا 
عهد هغور وراحت سلمت عليها واستأذنت ومشيو وركبها العربيه مش هتركب معايا 
جاسر ايوة هرجع ف عربيتي 
عهد هترجع فين
جاسر عند هايدي بقولك الحمل تاعبها 
عهد ونبي ونبي روح معايا وبعدين ارجع تاني ونبي 
جاسر بطلي الحركات الطفوليه دي بطلي زن لي مبتسمعيش الكلمه من اول مره لي لازم تعاندي اطلع يسطا .. وطلع وروحها ع البيت ومش عارفه تفرح ولا تزعل .. طلعت غيرت هدومها وحطت راسها ع المخده ونامت ....
.....
هايدي الست هانم اتبسطت
جاسر اكيد لا احنا مكملناش ساعتين حتي عشان خاطرك 
هايدي لا كنت روحت قعدت معاها تاني 
جاسر لي الغيره دي كلها بس منا معاكي اهو 
هايدي ههه بس الهانم مش مبسوطه 
جاسر وانتي يخصك ف اي بقول سبتها ومخلتهاش مبسوطه عشانك انتي وبردو زعلانه طب طلاما كده زعل وكده زعل كنت اتأخرت معاها احسن من النكد ده 
هايدي الغيره بقت نكد 
جاسر ال انتي بتعمليه ده مش غيره 
هايدي وال انت عملته من شويه وتقولي هي هتزعل وزفت طب م طلاما هي ف الحالتين زعلانه روحتلها لي
جاسر اعتقدت انها هتكون مبسوطه ممكن تغيري السيره ولا عايزه اي ف ليلتك دي 
هايدي مش عايزه حاجه بس لي دايما بتحسسني ان عهد اهم مني 
جاسر عهد اختي 
هايدي انا مش مطمنه لحوار اختك ده ممكن تلعب بيك وتعرف توقعك ف شباااكها انا عارفه حركات البنات دي
كويس 
جاسر عهد مش كدا ولو سمعت نفسك تاني همشي والله همشي اروحلها بجد .. 
____
الصبح 
عهد رنت ع جاسر الو 
جاسر اي ي عهد خير 
عهد محتاجه مزكرات وعايزه اروح كورس انهردا تعالا اديني فلوس
جاسر وال معاكي راحو فين
عهد خلصو 
جاسر حاضر هاجيلك قبل م اطلع ع الشركه استنيني
عهد حاضر استنته لحد م وصل عندها وركبت العربيه وطالع ع الجامعه 
جاسر خلي دول معاكي 
عهد ماشي
جاسر الكورس ال هتاخديه ف شباب 
عهد اكيد
جاسر طب لو سمعت انك قعدتي جنب شاب هكسر دماغك 
عهد ازاي هتعرف 
جاسر منا جاي اخد رقم الدكتور عشان اعرف حركاتك 
عهد ااه طيب 
خلص كلام مع الدكتور ومشي طلع ع شغله 
رنا ي فندم ف واحد مصر انو يشوف حضرتك 
جاسر يلا دخلي بسرعه عشان مش فاضي بعد كده
رنا حاضر 
ادم دخل ازيك 
جاسر اه انت تاني انت مين ي عم 
ادم مالك متهدا ع نفسك كده 
جاسر اتكلم باحترام ياد انت بدل م نادم ع الامن يرموك برا
ادم صح كده انت اصلا من غير الامن ولا حاجه
جاسر طلع من مكتبه ومسكه من رقبته انت بتقوول اي ي زباله انا هوريك الولا حاجه ده هيعمل فيك اي ورماه ف الارض 
ادم دقيقه خلاص ي جاااسر هفهمك هفهمك وربي 
جاسر هتفهمني اي 
ادم انا اسمي ادم مجدي مهران الهواري .. 
جاسر ااااااييييي .........
ادم اهدا بقا كده انا اخووك مش من امك 
ابونا كان مسافر وطول جدا .. عجبته واحده من هناك وهو زيو زي اي راجل عندو نزوات واخطاء .. طلب يتجوزها عرفي ومرضيتش فقرر يتجوزها رسمي بشرط انو يفضل مخبي علاقتهم دي عنكم وعن اهله كلهم 
اهل امي قالولي لازم تروح هناك وتاخد نصيبك ف ورث ابوك 
جاسر انت كدااااب وكل ال بتقولو ده كدب 
ادم انا اي هيخليني اكدب مع واحد سيطو مسمع زيك انت يعني غاوي اروح ف داهيه مثلا ثانيه ادي البطاقه وادي شهاده الميلاد 
جاسر مزورررين 
ادم تعالا نتأكد منهم ف المحكمه 
جاسر اطلع برا دلوقت 
ادم مش عايز اطلع انا جاي عشان اتكلم معاك 
جاسر تتكلم معايا ف ايي بس قعد ع الكرسي وحط ايده ع دماغه يعني ابويا طول الفتره ال كان مسافر فيها دي كان متجوز ع امي 
ادم منت اخدت من طبعه بردو ومتجوز ع مراتك 
جاسر بس هم عارفين مش مخبي ع واحده منهم 
ادم طيب هنعمل اي دلوقت عاايز نصيبي 
جاسر انا نفسي مش عارف اخد نصيبي
ادم لي 
جاسر جدي معاه كل حاجه
ادم ومقسمش نصيب ابويا وعمي 
جاسر لا عايز يكتب كل حاجه لابن مني ومن بنت عمك يعني عايز الطفل ال هيتكتبلو الاملاك دي كلها يبقا امه وابوه من العيله وجدي ميعرفش ان متجوز واحده مش من عيله الهواري ولا عارف هتقبلك انت ازاي ولا هبلغو بوجودك ازاي بس كل ال هعملو هتأكد من صحه البطاقه وشهاده الميلاد وبكره تجي تاخدهم وتجبلي ورق جواز امك يارب تكون سمعت
ادم وانا همشي من غير بطاقه يعني
جاسر اتزفت امشي من غيرها وفيها ااي يلا امشي مش عايز اشوفك ف وشي
ادم طيب انا كده كده جاي بكراا جاسر ساب الشغل ومشي راح ع شقته وعهد كانت ف الجامعه وقعد ع السرير وطلع بودره وبدأ يشم ...
جاسر ااااه كاان ناقصني ده يطلعلي ف حياتي .. ده نا مش عاااارف انتقم ولا اخد حقي ليييه كداا وبدأ يشم كتير وسكر ع الاخر .. عهد رجعت من الجامعه ودخلت الاوضه واټصدمت لما شافته وراحت خدت من قدامه الطبق ورمته راح مسكها من شعرها 
جاسر ااانتي اي اال عملتيه ده
عهد انت زعقتلي لما انا عملت كده قولتلي ده غلط بطل بقا ال. بتعملو 
جاسر طب لمي ال وقعتيه ده يلاااا لميه ورماها ف الارض وهي خاڤت جدا وبدأت تلم وهي بتترعش مسكها من شعرها ورفعها ليه وزقها ع السرير 
عهد جاسر بترجاك فووق انت سکړان وقامت جريت وحبست نفسها ف الحمام وهو قعد يخبط كتير اوي وهي مش راضيه تفتح فضل يكسر ف الاوضه ويشم بودره اكتر لحد م وقع من طوله عهد مسمعتش اي صوت تاني ليه واعتقدت انو مشي .. فتحت الباب ولقيته واقع ف الارض قربت منه وحطت ايدها ع وشه ومش عارفه هتفوقه ازاي بصت ف الارض ولقيت بطاقه واحد واټصدمت لما شافت اسمه 
عهد ااي! اخو جاسر هو من امتي من امتي عنده اخوات معقول جاسر ميعرفش عشان كدا اټصدم وحالته بقت بالشكل ده بس الاكيد ان جدو يعرف .. ماشي ي جدو وخدت البطاقه ونزلت لجدها ال كان قاعد مع ناس وقام يكلمها 
مهران ف اي ي عهد 
عهد لي
مقولتلناش ان جاسر عندو اااخ لي مقولتش ومن مين بقا ال اسمه ادم ده 
مهران نعم جاسر عندو اخ ازاي 
عهد اتفضل ي جدو 
مهران اټصدم ومكنش عارف يقول اي فين جااسر البتاعه دي وصلتلك ازااااي 
عهد جاسر تعبان جدا بسبب الحوار ده 
مهران لما يخف خليه ينزلي بسرعه بسرعه ...
عهد حاضر ومشت وبتقول لنفسها .. يعيني ع جدو وهو بيستهبل هي ناقصه بقا طلعت ل جاسر وبدأت تفوقه .. بالليل وقاعده جنبه ع االسرير وبتشربو قهوه
عهد هاا فوقت 
جاسر اه بس اي الزفت ال بتشربهوني ده 
عهد زفت اي دي قهوه 
جاسر مين ال عاملها 
عهد انا 
جاسر عشان كده طعمها زفت انا