مغامرات أبناء العاصي
عاسه انام ذمه الله
غزل معلش يا حبيبتي ماتضيقيش نفسك بس اما تطلعلي الفاتنه دي.
وبعد قليل
رن هاتف غمزه وهم جالسون
الو ايوه يا دارين عامله ايه يا حبيبتي
دارين الحمد لله يا حبيبتي وحشتوني اوي
طبعا لازم نوحشك مش حضرتك اللي سيبانا انتي والست دانا بنتك وقاعدين في السخنه طول الصيف
والله يا بنتي انا زهقت من القعده هناك بس هاعمل ايه بقى في الهانم ماقدرش اسيبها لوحدها واجي وهي مش كانت عايزه ترجع وتسيب اصحابها
المهم انا عايزه اشوفك انتي وغزل انتو واحشني خالص
وانتي كمان يا روحي وحشتينا طب ماتيجو بكره تقعدو معانا ونقضي اليوم سوى
ها لاء مانا بتصل بيكي اصلا عشان اعزمكو بكره تيجبو البنات وتيجو تقضو اليوم معانا
مش عارفه اقولك ايه بس انتي عارفه لازم ناخد رأي عاصي وحمزه الاول
ماشي يا حبيبتي سلام
مع السلامه
اغلقت معها الهاتف وانضمت اليهم بالحديث
غزل اخيرا رجعوا من المصيف
غمزه اه بتقول ان دانا مش كانت عايزه ترجع عشان اصحابها بس احمد زعق وقالهم لازم يرجعو
ليا يا بختهم والله بقالهم شهر في السخنه واحنا مش عارفين نروح اسبوع
وطول السنه قاعدين هنا في البيت ده وفي قلب الجمالية وسجن الجمالية
عدي بغيظ ايوا في ثانيه هاتتحولو مش كده اه طبعا ما هي الاميره المغروره جات وهاتتلمو عليها بقى وتتقلبو علي البيت وعلينا وعلي الجمالية بحالها
وحضرتك بقي دانا مابقتش عجباك في ايه وليه ديما بتقول عليها مغروره
ما هي ليها حق واحده جدها الله يرحمه كان لوا سابق وابوها عميد واخوها ظابط في الحربيه عايزها تيجي الجاملية تحب فيها ايه يا دكتور.
ما
إنشالله ما حبتها يا ختي واخوها وابوها اللي بتقولي عليهم دول بيعشقو القعده هنا في الجمالية
ولازم برضو تفهمو انه متمسك بالعيشه هنا عشان جدكو مايقدرش يسيب البيت ده ولا الوكالة اللي هي كل حياته
فايريت بقى تبطلو هبل ودماغكو دي تتعدل وتبطلو تمشو ورا المغرورة دي
روقيه خلاص يا عدي اهدى يا حبيبي هما عارفين الكلام ده كويس صح يا بنات
خلاص بقى يا ديدو متزعليش يا بطه داحنا بنحب نناغشك بس
عدي پغضب يعني مش كفايه ديدو دي لاء وكمان بطه دانتي يومك مش معدي النهارده
خدي يا بت هنا
ولكنه قبل ان يمسك بها وجد من تقفز على ظهره من الخلف وهي تضحك
ليا مش عجباك ديدو طب بلاش نقولك يا دوده اوعى تكون عايزنا نقولك
يا عمو
ما تنساش انك اكبر مننا بست شهور بس يا دوده
عدي لا والله طب انزلي يا.... من علي ضهري فاكره نفسك خفيفه اوي
واحترمو نفسكو معايا في الكلام شويه انا عمكو ڠصب عنك انتي وهي يا بتوع ثانوية عامه انتو
تيا بعد ان جلست علي الاريكه صحيح انا مش عارفه يعني احنا الفرق بينا مش كبير كان لازم بقى فرق الشهور يضيع علينا سنه بحالها يا بختك انت وعاصي
عديتو السنه دي ودخلتو الكلية واحنا لنا الله في الثانوية العامه
غمزه انت مش كنت بتقول يا عدي انك هاتكلم المدرسين عشان يدوهم دروس خصوصيه
عدي لاء ما انا لما قولت لزين قالي ماتفقش مع حد غير لما هو ينزل ويجي معايا
هو اصلا مش عايزهم يخرجو ياخدو دروس بره واخويا عاصي مش عايز يدخل حد غريب هنا
بصو الموضوع كبير مش بالسهوله دي
غزل اه يعني لازم مجلس العائله الذكوري ينعقد عشان دروس تيا وليا معاكو ربنا بقى
عدي اه والله لاء وخدو التقيله بقى الاستاذ عاصي باشا مصمم اني ماتفقش مع مدرس الالماني اللي كان بيدينا بيقول انه صغير وواخد مقلب في نفسه كده
ليا
