عشقني في ماضيه

التاني خلاص عصو عن الجواز وهنعنس كلنا الرجاله بيطفشو دلوقتي من الجواز..
لتضحك دنيا.. لا حبيبي لما هيحبني مش هيسيبني انا عارفه اول ما قلبه يدق هيخطفني ويقعد يحب ويسحسح.. فين بس هو وحشني اوي. 
لتنظر اليها داليدا .. لا حول ولا قوه الا بالله اللسع عالي عالي.. اكنه وحشك.. ماشي ياختي ربنا يشفيك. 
لتخبطها دنيا.. اشعرفك انت يا بومه انا عارفه انه مستنيني اخطڤ قلبه مش انت كل اما يقرب منك حد تعضيه.. قمر ومزه والاسم الحركي جعفر بس بس يا عديمه المشاعر يا عدوه الحب. 
لترفع حاجبيها وتهتف.. بقي انا عدوه الحب.. لا ياختي عايزه احب واتحب بس راجل بجد يقدرني ويقدر قيمتي وشغلي وحياتي.. اكون ليه زي ما يكون ليا مش اجيب واحد يتحكم ويتكبر عليا عايزه راجل بجد. 
لتهتف دنيا.. راجل بجد ويحب ويسحسح يا رب ارزقنا. 
لتضحكك داليدا .. يا دي النيله عالسحسحه يا بت اللي يشوفك يقول دانت بتحبي بس اقول ايه انت ربنا خلقك تحبي علي روحك. 
لتهتف دنيا.. الحب للحب يا قلبي.. بصي تصدقي ساعات بنام واحس بيه موجود مضايق ونفسه اني اظهرله بس يصبر علي بال بقه ما اجيله اخده واحب براحتي والله واحشني وھموت عليه. سبحان الله وبحمده 
لتنظر اليها داليدا .. لا اما اقوم انت عايزه تتعالجي.
كانت داليدا تعيش مع اختها دنيا علي اطراف مدينه الاسكندريه في احد المزارع الصغري فداليدا تدرس في كليه الطب في السنه الرابعه وتعمل في احد المشفيات القريبه من المزرعه كانت جميله رقيقه ولكنها قويه وعنيده من يراها يحس انها ملاك هائم ولكن من يخربشها فبداخلها فرس جامح لا يظهر الا وقت قوتها عندما ترغب بذلك.. وكانت لها اخت صغري تدرس فنون جميله رقيقه ورائعه الجمال تدعي دنيا كانت مختلفه عن داليدا فهي من الخارج كالداخل لا تختلف حالمه رقيقه تكره العڼف ولا تستطيع ان تقرب شخصا من هذا النوع..كانت الفتاتان متعلقتان ببعضهما ويعيشا في كنف الاب وداليدا تعتبر من تراعي العائله لصلابه شخصيتها وقوتها لتسير بهم الحياه دنيا تنتظر
ذلك الهائم الذي تريده تريد حنانه وداليدا تصبو الي رجل لا يتجبر عليها ويراعيها ويحترم شخصيتها. 
في مكان اخر نجد من يقف طايح في العمال وېصرخ فيهم.. لنجد كبير عائله ضرغام ايهم يقف وهو متشح بالقوه والكبر.. لېصرخ.. ايه ده انتو فاكرين اني هعديهالكو اكده اللي ما نفذش اوامري مالوش جعاد اهنه ولا في الناحيه كلاتها. 
ليهتف احد العمال.. يا بيه والله ما كنا نجصد داحنا جولنا الاول نخلص مخزن العلف ونكملو مخزن الدجيج كله شغل
لېصرخ ايهم.. انت ما ليكش تجول نخلص ونهبب انت مين عاد تجول ليه وتتهبب علي عينك مش بعد كلمتي تجول.. انت اكده خربتو علي حالكو. 
ليقترب احد العمال.... نحب علي يدك والله خلاص ما هتحصل تاني اللي تأمر بيه. 
ليقترب منه صديقه فايز.. خلاص يا ايهم اخصملهم يومين وخلاص
ليقطب ايهم.. انت اتجنيت كلمتي تكسيرها بيومين لا هخصملهم عشر ايام. استغفرالله العظيم 
لېصرخ العمال ليهتف فايز... غورو دلوك واني هتصرف.. ليهرب العمال.. ليقترب فايز.. ما تهمد بقه انت ايه طايح اكده بطل حمجتك دي.. العمال غلابه..
لينظر اليه ايهم پغضب..
ليضحك فايز ما خابرش انا فيه ايه هتاكلني عاد..
ليبتسم ايهم.. اجول ايه ما خابرش انت ليه بتنخ ورا اكده انا عارف مصاحب راجل بيحن كيف النسوان. صلوا على الحبيب 
ليخبطه فايز.. اتلم ياض انت انا واحد بجدر الغلابه انت جاسي كيف الطور مابتتفاهمش انا خابر لما تتجوز هتتجوز ازاي اكده
ليهتف ايهم بتكبر... هتجوز عادي وهتعيش تتمنالي الرضا هو انا جليل مين دي اصلا اللي تعترض دا ايهم البنته تتمني ابصلها. 
ليضحك فايز.. والله لو يفهمو يبعدو عنك بالمشوار
بجولك الواد ابن عزام لسه عامل عوج معاك. 
ليهتف ايهم هو مين ده الكلب اللي جرب يجفلي دانا محطه ضړب لما فتح خاشمه جدام الخلج ورميته في المصرف.. طب يفكر بس ينطج..
ليهتف فايز.. عيله عزام مش سهله دول منجوع شړ يا ود عمي تجار نجاسه وكيف.. يبقي تحرس منيهم
ليهتف ايهم.. اديك جولت نجاسه وكيف.. مش توب الرجال.. دول ادوسهم بجزمتي.. الواد من ساعتها خزيان يظهر في البلد كلياتها.. استغفروااااا 
ليقول فايز.. بجولك ايه هتسافر الاسكندريه الاسبوع الجاي تجابل الحاج حمدان تخلص معاه صفجه المواشي اللي جايه من بحري اجي معاك عاد. 
ليهتف.. تاجي معايا ليه من مېته واي سفر حد بياجي معايا.. انت وادهم شغلكو اهنه واني عليا تخليص الشغل برات البلد اني ما بسيبش حد الا واخد اللي اعوزه. 
ليضحك فايز.. خابر وعارف انك وحش بتاكل اللي جدامك ربنا يبارك فيك ويخليك يا غالي من غيرك نلوص. 
ليضحك ايهم.. ايه ده مالك جلبت كيف امي ورط النسوان.. يا واد بطل حنيتك دي..
ليبتسم فايز.. ابطلها ازاي داني مستني اتجوز عشان اجعد احب واسحسح للبت اللي رايدها. 
ليهتف ايهم.. اجول ايه مفيش فايده.. تحب وتسحسح يا مغفلج
انت.. البت