رواية لنهال

.. تقول للبدر قوم وانا اقعد مطرحك..
حمزه ابتسم بخبث طيب ههملكم انا اروح اقعد مع الرجاله ..
ثم رمقها بنظرة خاطفه موجها حديثه لها بصوت اشبه بالهمس
نبقوا حلوين ونتصرف تصرفات ناس عاقله .. ومش عاوز دلع بنات مرق ..وأنا هريحك وأعملك كل ال عايزاه بس عدي اليوم 
ثم تركها وترك بداخلها مليون سؤال
هو دا ماله انا ازاي سيباه يبيع ويشتري فيا كده .. حصلك اي ياوعد دا واحد فلاح جاهل .. هو ازاي كده !!..وبأي حق يكلمني بالطريقه دي .. وازاي يفرض نفسه عليا كده .. وانا ازاي سمحت لنفسي اني اسمع لكائن رجعي ومتخلف زي دا

قطع حبال اسئلتها نداء نجوي عليها
ماتيجي يا وعد تقعدي .. واقفه عندك ليه 
سمر ممازحه بسخريه 
اممممممم تلاقيها سرحانه ف العريس .. مشي من هنا ع فكرة ..
الهام تعالي يابتي اقعدي جاري اهنه ياحبيبتى ..
تقدمت ببطء وجلست بجوارها رغم عنها محاول رسم اي بسمه تنقذها من نظراتهم المريبه لها
لقاء اخت حمزه وانت بتدرسي اي في امريكا ياوعد 
ابتسمت لها قائله بهدوء لغات وترجمه ..
لعمت عيون لقاء بالفرحه ماشاء الله .. والله يابخت حمزه بيكى ويابختك بيه ..
التوت شفتها بسخريه ثم الټفت نحو نعيمه التى تتحدث بخبث ستات
وهيفيد بأيه العلام ..! وهى الواحده مننا مهما اتعلمت مسيرها اي غير بيتها وجوزها وعيالها !
ربتت الهام علي كتفها بقوه
ربنا يحرسك ياغاليه 
لم تنج وعد من تصرفات الهام المرعبه .. وهي تتحسس معالم جسدها وتتاكد من شعرها اذا كان حقيقيا ام لا وثغرها المتبسم دائما .. فمن اين يأتى كل هذا التفاؤل المتدفق بداخل سيده اخر العالم بالنسبه لها حديقه منزلها !!
وعد بتأفف لحركاتها الغريبه هو ف حاجه ياطنط !
الهام ربتت على فخذها بشده 
لا حلوة جسمك جابس ونعمان .. ورقبتك طويله ومناخيرك مسمسمه .. يعني اول خلفتك هتجيبيلي الواد يشيل اسم ابوه وجده.
اغمضت عينيها لتترجم ما سقط علي مسامع اذانها محاوله تركيب الكلمات فوق بعضها لتخرج بجمله مفيده ولكن بدون جدوى وعد بذهول واستغراب قائله
مش فاهمه ياطنط .. تقصدي ايه !!
مش مهم ياحبيبتي .. مش مهم يامراة الغالي .
واخيرا تنهدت وعد بارتياح لجملة انعام التي انقذتها من تصرفات الهام
الاكل جااهز اتفضلووا .. اتفضلوا 
هم الجميع بالنهوض صوب غرفة المعيشه تفاجئت بجمال عمها وحمزه مقبلين عليهم
جمال متحمحما وهو ينظر لها بعيون واسعه وبنظرات مغلوله
العريس لازمن ياكل مع عروسته .. بدل قعدته مع الرجاله برا 
الهام تحرك ذراعيها قاصده اظهار صف الاساور الذهيبه بيدها
عين العقل .. تعالي ياحمزه يابني اقعد جمبي وانتي كمان ياوعد اقعدي جمب جوزك يابتى 
جوزك!! نامت واستيقظت وجدت نفسها امام شخصا يدعى زوجها اي عقل واي شرع يسمح بهذه الفوضي لم تكن تلك الاحلام التى شابت من كثرة انتظارها تحول الشخص الذي تمنته طويلا لشخص عكس احلامها وامنياتها .. هل اصابت احلامها بالشيخوخه ففقدت عقلها وصوابها ام نضجت ولمست اقدامها ارض الواقع الذي لم تلتفت اليه طوال عمرها !!
هتفضلي واقفة كتير!!
اخترق اذانها صوته الذي ستسمعه كثيرا بعد ذلك .. زفرت بضيق ثم استدارت بجسدها لتجلس فوق مقعد الطاوله الخشبيه .. شرع الجميع فى تناول طعامهم الا وعد تعبث بالطبق امامها بحيره واشمئزاز تراقب حمزه وطريقة اكله الغير حضاريه بالنسبة لها .. فوجئت به يهمس باذنها
خبر ايه اومال !!.. متسمميش علينا اللقمه وكلي 
ابتلعت ريقها بصعوبه على طريقة تناوله للدجاج واستخدام اصابعه بحريه ضاقت حركه عينيها وضغطت فوق اسنانها قائله
انت اي اللي بتعمله دا !!.. فى حد طبيعي ياكل كده 
حمزه بلا مبالاة ماهو لو كل واحد يركز ف وكله هيرتاح ويريحني ..
مسكت معدتها وركضت على المرحاض لما اصابها من اشمئزاز ونفور
حمزه لم يبال للامر بشئ واكمل طعامه دون ان يرمش له جفن قائلا لنفسه
بدانا في دلع البنات .. ياغلبك ياحمزه 
انتهي اليوم وحدد حمزه ميعاد كتب الكتاب والفرح وانصرف الجميع الي منازلهم .. استفرد جمال ببنت اخيه بمجرد خروج ضيوفه مناديا
ياوعد .. انت يابت !!
نجوي بفضول خير ياجمال عاوزها في ايه 
زمجرت رياح صوت جمال القويه بصوت اهتزت له الجدران
_ الهانم خلت رقبتى كد السمسمه قدامهم .. والله ياوعد ما حد هيربيكى غيري ..
واقفه في منتصف السلم ودموعها تسيل علي وجنتيها
انا مش عارفه ليه حضرتك مصمم تعمل فيا كده .. هو دا حفظ الامانة ال سابها جدو وبابا .. ربنا قال تعاملنى كده !!
اجابها ساخرا
وكمان واقفه تدينى حكم ومواعظ .. يامين يلايمنى عليكى عشان اكسر ضلوعك اللي فرداهم دول ومحدش هامك ..
نجوي بتوسل اهدى اهدي ياخوي سوقت عليك النبي .. وانت ياوعد يلا علي اوضتك شهلى يلا .. خلي الليله دي تعدى علي خير .
2_ حيره 
جالسه في غرفتها كالقرفصاء مڼهاره من البكاء تنسكب دموع حسرتها من طرف