مملكة الطوبجي من الأول لسادس عشر لأميرة اسامة

وزي ما قولتلك المبلغ اللي كان معايا هو ده اللي هدخل بيه انت عارف الفتره الاخيره كنت بحول كل اللي معايا دولارات وانا حاليا عايزهم مصري وبصراحه مفكرتش غير فيك عشان عارف انك عامل زيي بتحب تجميع الدولارات ده
سالم...بابتسامه جيت للمكان الصح يا صاحبي واتفضل الشنطه اهي
خد ادم منه الشنطه واداله شنطه الدولارت حطها سالم جمب رجله
ادم....تسلم يا صاحبي مش عارف اقولك ايه
سالم...ولا اي حاجه ومبارك عليك المشروع الجديد ربنا يجعله فتحه خير عليك ويبقى مشروع العمر
ادم...يارب يا سالم المهم بقى بما اننا خلصنا الموضوع الاساسي خلينا بقى نحتفل سوا ها تتعشي ايه
سالم...لا عشاء ايه مش قادر
ادم...والله ما يحصل انا مصدقت اشوفك يا جدع يلا خلينا ناكل انا واقع من الجوع
سالم...طيب ياسيدي يلا بينا.
طلبوا الأكل وبعد شويه نزلهم على التربيزه وبدأوا ياكلوا وهما بيضحكوا و يهزروا وشويه و يتكلموا في مواضيع مختلفه وكل ده سالم مش مركز في اللي حصل
مر الوقت بينهم سريعا.
سالم....طيب يا آدم هقوم انا بقى عشان خلاص مش قادر وفصلت بعد اكلت السمك والجمبري دي حاسس اني محتاج انام.
ادم...بضحك اكلت سمك وتنام مش لايقه الجمله دي على سالم باشا
سالم...بتلمح لايه يا فاشل بس والله بجد انا فعلا فاصل كان يوم مرهق في الشغل جدا
ادم...خلاص يا سيدي سماح المرادي المهم ياريت المقابله دي تتكرر متبقاش تغيب علينا كده
سالم....هتتكرر تاني متقلقش مبسوط اني شوفتك والله يا ادم
ادم...انا اكتر والله سلملي على الباشا الكبير وعلى اخواتك كلهم 
وان شاء الله هتكونوا موجودين معايا يوم الأفتتاح
سالم....اكيد طبعا انت بس متبقاش تنسى تعزمنا
ادم....ياسلام هيزدني شرف يا باشا
وقف سالم حضڼ ادم.
سالم...حبيبي يا آدم
سلم عليه و بيوطي عشان ياخد الشنطه وهنا كانت الصدمه
سالم....الشنطه فين
ادم....پصدمه مش عارف كانت تحت رجلك .
بسرعه المكان اتقلب حرفيا ودخل الجارد بتوع سالم معاه قلبوا المكان هما وكل الموجودين

في المطعم من موظفين الامن لمسؤولين وكأن الشنطه فص ملح و داب.
سالم....پغضب انا مش هسكت الفندق ده بالمطعم بتاعكم هدم ره
متخلقش لسه اللي يسرق سالم الطوبجي ويعلم عليه
المسؤول....سالم باشا من فضلك أهدى شويه ولازم تتأكد ان اللي حصل ده مش هيمر مرور الكرام 
احنا يهمنا راحه عملائنا واكيد سمعة المكان بتاعنا دي عمرها ما حصلت
سالم....حلوووو ويوم ما تحصل تحصل مع سالم الطوبجي
المسؤول....صدقني الشنطه هترجع
ادم....سالم اهدى شويه اكيد في حاجه غلط
سالم.....الغلط هو اللي هيحصل مني ومحدش هيقدر يلومني
المسؤول....ادينا بس ساعتين والشنطه هتكون معاك هنرجعهالك
سالم.....سالم الطوبجي متعودش ان حد يرجعله حقه انا برجع حقي بدراعي انا عايز اشوف الكاميرات حالا.
المسؤول....حاضر بس من فضلك اهدى وصدقني الشنطه هنرجعهالك.
سالم...پغضب انا قولت محدش هيرجعلي حاجه وريني الكاميرات ومحدش فيكم يدخل وحسابي معاكم بعدين لما ارجع حقي
المسؤول....برع ب طيب اتفضل معانا على غرفه تكنولوچيا المعلومات شوف الكاميرات بنفسك.
دخل سالم معاه على الغرفه وبداوا يراجعوا الكاميرات من اول ما سالم اتقابل مع ادم لحد ما بدلوا الشنط فضلت الكاميرا جايبه الشنطه تحت رجله حوالي ربع ساعه من بعد التبديل وفجأه لمحوا بنت بتاخدها وبسرعه اختفت.
المسؤول...مش معقول شمس
سالم....مين دي
المسؤول...بلغبطه في الكلام دي دي
سالم...ما تنطق مين دي
المسؤول...دي موظفه معانا هنا في المطعم مسؤوله عن تنظيم المكان
سالم....يعني كمان شغاله هنا والله حلو اوي بتعرفوا تختاروا الموظفين بتوعكم
المسؤول...سالم باشا أكيد في حاجه غلط البنت دي شغاله معانا من سنتين عمر ماجه منها شكوى ولا اللي حصل ده حصل قبل كده كل اللي بيجوا المكان ده بيسيبوا حاجتهم بكل امان والبنت دي مستحيل تعمل كده دي محترمه
سالم....واضح اوي انها محترمه وكمل پغضب اللي في الكاميرا دي مش هي بردوا ولا انا مش واخد بالي بقولك ايه اكيد بما انكم مكان محترم معاكم السي ڤي لأي موظف وعنوانه وكل حاجه تخصه
المسؤول...اكيد وزي ماقولتلك كده الموضوع اتفهم وهنجيبهالك
سالم...شكرا لخدماتك اطلع منها بقى اديني عنوانها وانا هتصرف
المسؤول...ايوه بس.
سالم...وديني ما أعبد لو عنوانها ماجه حالا في ايدي خمس دقايق والمكان بتاعك هيكون متشمع
المسؤول...تحت امرك يا سالم باشا حالا هيكون مع حضرتك.
سالم....مش عايز حد من الموظفين ياخد خبر ان هي اللي عملتها عشان لو حد بلغها وهربت صدقني انت اكتر حد هيتضر في الموضوع ده مفهوم
المسؤول....اطمن يا باشا محدش هيعرف ولا حد هيبلغها.
دقايق ورجع المسؤول معاه العنوان اتحرك سالم هو و الجارد ورفض رفض تام ان ادم يكون معاه.
في منزل ليلى.
ليلى....حضرتك قولت عايز تتكلم معايا أتفضل انا سمعاك.
راجح....ليلى قبل ما اتكلم انا محتاج أنك تسمعيني ومتقاطعنيش
ليلى...اتفضل سمعاك.
راجح...خلينا المرادي نتكلم بهدوء ومن غير أي إنفعالات خلينا ياليلى نحط كل حاجه حصلت زمان على جنب داوود محتاجلك يا ليلى زي ما أنتي كمان محتجاله صدقيني عارف انك معاكي حق بس العند ده بيع ذبكم انتوا اكتر ما بيع ذبني
ليلى....حضرتك عايزني انسى ايه بالظبط انسى انك كنت سبب في تفريقي انا وداوود عن بعض 15 سنه ولا انسى إهانتك ليا زمان
راجح....لأ يا ليلى