مملكة الطوبجي من الأول لسادس عشر لأميرة اسامة

كتر الوج ع
حسام....ما تقعدي يا حبيبتي تتفرجي معانا وشويه ونطلع
بصتله فيروز ثواني من غير ولا أي كلمه
فيروز.....تصبح على خير خليك انت
مسكت سما في ايده اكتر باي يا فيروز
حسام...ماشي يا حبيبي شويه وهحصلك
مشيت فيروز من غير ما ترد عليه وبمجرد ما ادتهم ضهرها عشان تطلع أطلقت سراح دموعها
.........
في منزل خلود.
كانت قاعده خلود جوه الأوضه بتاعتها الوقت كان حوالي الساعه 11 بليل سمعت صوت في الشارع قامت بصت من الشباك
لمحت شباب بيعلقوا الأنوار و بينصبوا صوان الفرح بتاع بنت جارتهم أتنهدت بحزن و بصت للسما.
خلود...يارب خليك معايا وحيات حبيبك النبي انا مليش حد غيرك في الدنيا دي كلها وتسنيم من بعدك يارب دلني أعمل ايه عشان خلاص مبقتش عارفه حتى افكر
انا خ ايفه أوي و محتجاك تطمني 
خ ايفه أفضل هنا معاهم و أبقى بضيع على نفسي فرصه عمري في إني أعيش عيشه كريمه و خ ايفه أسمع كلام تسنيم أنا مليش حد أروحله معرفش حد غيرهم معرفش أتصرف أزاي و الاقي مكان فين حتى الشوارع معرفش عنها أي حاجه أروح فين طيب ليه يارب كتبت عليا التعب ده كله ليه كتبت عليا الوحده مخدتنيش ليه مع اللي راحو أستغفر الله العظيم.
مسحت خلود دموعها وقررت تقف تصلي و تستخير ربنا تهرب زي ما تسنيم قالتلها ولا تقعد وترضى بالامر الواقع.
صلت ودعت ربنا كتير يهديها للصح وبعد ما خلصت طلعت على سريرها نامت
..............
أما عند الشباب..
أيمن.....مراد عايش حياته
زيد.....وميعش حياته ليه وېفضحنا
منذر...بضحك هو وسالم مقضينها
سالم....مالك انت ومال سالم مش أحسن ما ابقى معقد زيكم
منذر....انا مش معقد انا زي الفل انا حتى جاي انهارده عشان اتعلم على ايدكم الإنحراف
مراد....انت هتمثل يا صايع منك ليه ده انت بتاع بنات يا ولا
منذر...كنت والله بس ربنا هداني
مراد....وعايز ترجع للإنحراف تاني ليه.
يوسف...اصله حب الموضوع أوي
نادر...لا وأنت الصادق الكيف بيزل.
بص زيد على أمير وضحك ضحكه سخريه
زيد....ياخيبتك في ابنك يا مراد مطبلاتي قد الدنيا
قاسم....على اساس ابوه إمام مسجد 
مراد...مالك ومال الواد وابوه يا بايخ احنا كده نحب الفرفشه زعلان ليه يا معقد
زيد...وانا هزعل ليه يا اخويا اهي تربيتك في الاخر
ياسين...بقول ايه صحيح هو مين فينا اللي هيسافر الصبح
مراد....ما تفصل ياعم من الشغل شويه هو الشغل ورانا ورانا
ياسين....مش شغل والله بس عشان ابقى عارف
أيمن....انا اللي هسافر الاول بس مش الصبح انا طيارتي الساعه اتنين الضهر
قاسم...وانا الساعه خمسه عالمغرب كده يعني.
نادر....وانا بتاع الليل وأخره طيارتي على الساعه واحده
مراد....طالع لعمك يا ولا
منذر...طب وايه مطولين ولا ايه
زيد...لأ قاسم اربع ايام وأيمن حوالي اسبوع هو ونادر
منذر....ايوه سفريه في السريع يعني
قاسم....هنطمن ان المشاريع بدأت وكل حاجه تمام وهنرجع وطبعا كل فتره كده هنروح ونرجع عليهم
منذر....على خير يارب
قاسم...وانت عامل ايه في الشغل يا منذر
منذر...كله تمام ماشي يعني بس بيني وبينك حاسس اني زهقت من شغل الجلود ده اوي
قاسم...ليه

بس كده انت علامه يا ابني في الجلود الطبيعيه.
منذر...عارف بس زهقت حاسس الفتره دي اني مش لاقي نفسي خالص شايل كل شغل المصنع على دماغي
نادر....طيب وفين حسام 
منذر...موجود طبعا بس هو مركز في الشركه والمقر الاساسي لكن شغل التصنيع كله عليا انا
ايمن...طب وليه متوازنوش العمليه شويه
مراد...ايوه صح ليه متبقوش مع بعض حتى في الأتنين
منذر....حسام ميعرفش حاجه عن المصنع ولا يعرف يتعامل مع عمال وجو الجلود والدماغه والصبغه دي مش بتاعته طول عمري انا اللي شغال مع ابويا وعارف دواخل الشغلانه
مراد...ايوه بس هي شغلانه صعبه خد بالك محتاجه اكتر من اتنين يكونوا مع بعض فا مبالك انت لوحدك
منذر...عشان كده بقولك اني تعبت خصوصا ان الفتره دي في طلبيات كتير جدا فا خلاص طاقتي بتخلص
مراد...ياعم ربنا يزيد ويبارك بس بردو لازم تشوف حد يشيل معاك شويه
منذر...وده اجيبه منين شغلتنا يا مراد صعبه وليها اصول واسرار مهنه و المض روب الوقت اللي يقلدك كتير
يوسف...ايوه بس الاصلي ليه زبونه بردوا
مراد...طبعا وخد بالك الناس اللي بتحب الجلد الطبيعي بجد مستحيل يتضحك عليها
منذر....ده حقيقي يا مراد انا يمكن تعاملاتي مش مع زباين انا تعاملتي مع محلات وتجار بس بسمع من اصحاب المحلات تفاصيل كتير جدا غريبه تبين ان الزبون فعلا شاطر
زيد...طيب شوف محتاج ايه وانا معاك يعني اي وقت تسليم طلبيات شغل كتير عرفني وهتابع معاك
منذر...ربنا ما يحرمني منك ابدا هتتحل إن شاء الله خليك انت بس في شغلك
مراد...ياواد هو بيعزم عليك كلنا معاك طبعا ما حنا موجودين واللي موجود يسد ومتقلقش احنا هنفهم بردوا 
منذر....طبعا ملوك البيزنس
زيد...خلاص بجد اي وقت تحس فيه بضغط كلمني فورا
منذر...حاضر تمام
بعد وقت طويل خلصت سهرتهم مشي منذر و رجع الشباب على القصر
أيمن....يلا تصبحوا على خير يادوب اطلع احضر الشنطه وانام عشان السفر الصبح
مراد....خدني معاك يا ايمن
قاسم....يلا تصبحوا على خير
زيد...استنى يا قاسم عايزك شويه
جلال....أسرار بقى وكده
زيد...على فوق يالا
جلال...على حق يا باشا
أمير...جايب لروحك التهزيق على طول ما تطلع وتحترم نفسك عيل مهزق
يوسف...طول عمره
سالم....فين خالي وفين عمي 
قاسم....سالم في