مملكة الطوبجي من الأول لسادس عشر لأميرة اسامة

راجح عنده عشر أولاد.
ميار....ايه عشره ليه متجوز أرنبه
ملك...بضحك يابت احترمي نفسك
ميار...لأ بجد عشره ازاي
ملك...والله

ما أعرف انا شوفت منهم 8 بس وجلال قالي انه ليهم أختين كمان واحده أصغر منه ودي اخر العنقود وفي واحده أكبر
ميار....يعني ليه 8 اولاد 
ملك...ايوه جلال وزيد وياسين وقاسم ويوسف ونادر وأيمن وسالم.
ميار...ايه ده الله ما تخليني اشتغل معاكي والنبي
ملك....لا والله طيب وبالنسبه لسي تامر ايه ظروفه
ميار....لأ تامر ده حاجه تانيه 
ملك....لا يا شيخه 
ميار....والنبي يا ملوكه فكي بقى وبلاش الموقف اللي أنتي وخداه منه ده والله بيحبني
ملك...هنشوف يا ميار هنشوف لو بيحبك فعلا ولا لأ.
ميار....هتشوفي وهثبتلك ده يا ملك قريب عشان تصدقيني وتثقي فيه شويه.
ملك....ماشي وانا مستنيه .
ميار....طب خلينا في المهم هااا مووز مووز يعني
ملك....يابت اتلمي وأحترمي نفسك ويلا سبيني أنام بقى
ميار...هتنامي من الوقت خليكي معايا شويه بليييز
ملك....مش قادره خلاص دماغي هتنف جر وبعدين مش عايزه ابو لهب يتلكك لو أتأخرت
ميار....بضحك يا خ وفي على أبو لهب منك
ملك....يلا يا لمضه تصبحي على خير
ميار...بحب وأنتي من أهل الخير يا لوكا
..................
في ڤيلا الباشا
رجع منذر واتفاجئ بوجود خالته وسما بنتها.
منذر...مساء الخير
الجميع...مساء النور
منذر....عامله ايه يا امي
كاريمان...بخير يا حبيبي أمال فين اخوك.
منذر....حسام بيعمل حاجه في العربيه بتاعته وانا سبقته
كاريمان ...طيب وليه سبته لوحده يا حبيبي كنت رحت معاه.
منذر...بسخريه ليه يا امي هو صغير
كاريمان...لأ مقصدش بس متعوده أنكم بترجعوا مع بعض ديما
منذر...لأ عادي زمانه جاي ورايا انا جيت بس عشان اغير وخارج تاني عشان هسهر شويه انهارده
بص منذر على كاميليا.
منذر....عامله ايه يا كاميليا
كاميليا...الحمد لله يا منذر
منذر...أزيك يا سما.
سما...الحمد لله بخير
بصت كاميليا لكاريمان.
كاريمان...اا اه صحيح كاميليا وسما هيقعدوا معانا كام يوم هنا
بصلها منذر بتساؤول ردت كاريمان بسرعه
كاريمان...أصل انهارده الصبح خالتك صحيت لقت الڤيلا ڠرقانه اتصلوا بالسباك وقال ان مواسير البيت كلها بايظه و هيغيروها وطبعا مش هينفع تقعد هي وسما وسط شغل العمال.
كاميليا....معلش بقى يا منذر هتستحملونا كام يوم بس العمال يخلصوا الشغل انا كنت بفكر نروح فندق كده كام يوم بس سما قالتلي نروح فندق وبيت منذر ابن خالتي موجود.
بصلهم منذر بنظره تفحص وبعدين أبتسم طبعا سما عندها حق ده بيتكم تيجوا اي وقت هتنوروا.
كاميليا....حبيبي يا منذر وده العشم بردو.
منذر....بخبث ولو تحبي اتابع انا العمال بنفسي معنديش مشك له يعني مينفعش يكون في راجل وتتابعوهم انتوا بنفسكم
كاميليا...لا لا لا متشغلش نفسك يا حبيبي انت وراك شغل كتير الله يكون في عونك وبعدين انا مش هروح ولا هتابع انا هتابعهم بالموبايل وكده كده هما عارفين هيعملوا ايه
منذر...تمام عموما لو أحتجتيني انا موجود.
كاميليا....طبعا يا حبيبي ربنا ما يحرمني منك.
منذر....صحيح هي فين فيروز
كاريمان... في أوضتها هتكون فين يعني معرفش بتجيب النوم ده كله منين مشوفتش وشها من امبارح
منذر....وبعدين يا أمي.
كاريمان...حاضر يا منذر أديني أتخرست
منذر ..بنفاذ صبر انا طالع عشان الحق اغير واخرج
كاريمان....ماشي يا حبيبي.
طلع منذر على فوق وقبل ما يدخل على أوضته وقف شويه قدام أوضه فيروز وهو شارد
ثواني وأنتبه على نفسه هز راسه برفض وأفتكر كلامه مع زيد أنهم هيحاولوا وبسرعه دخل على أوضته عشان يجهز ويخرج من الڤيلا كلها.
..............
في قصر الطوبجي
وصل الشباب وطلع كل واحد فيهم ياخد حمام عشان يجهزوا لسهرتهم مع بعض.
بعد وقت بسيط نزلوا كلهم وبعد تصميم من مراد قرر ياخد معاه قاسم وأيمن كمان.
نزلوا كلهم تحت في ساحه القصر الواسعه كانت روح عملالهم قهوه فا أضطروا يشربوها وبعدين يمشوا.
خرج أيمن من أوضته كانت جنه في الوقت ده واقفه فوق جمب الدرج بتبص عليهم من وراء السلم
اول ما لمحت جلال خراج من اوضته

ونازل نادت عليه بصوت واطي
جنه...جلال جلال تعالى
بصلها جلال وهو رافع حاجبه شايفها واقفه مستخبيه وموطيه صوتها.
جلال....في ايه مالك واقفه كده زي اللي عامله عامله موطيه صوتك ومستخبيه.
جنه...شششس وطي صوتك أحسن حد يسمعك والنبي
جلال...في ايه يا جنه انتي عامله مصېبه ولا ايه
جنه...ياسيدي لا مصېبه ولا حاجه كل الحكايه اني محتاجه زيد ضروي وبحاول اشاورله بس هو مش شايفني ممكن عشان خاطري تنزل براحه تقوله في ودنه يطلعلي على الأوضه ضروي بس من غير ما بابي يسمع
جلال....انتي عيزاني أنزل أوشوش زيد قدامهم ده انا اخواتي كانوا عملوا عليا حفله
جنه...والنبي يا جلال عشان خاطري متبقاش رخم بقى
جلال... يابت طب احترميني انا عمك بردو.
جنه... أتلهي يا جلال قال عمي قال
جلال...بقى كده طب شوفي مين هينادي على زيد ولا اقولك انا هروح اناديه قدام ابوكي واقوله جنه مستخبيه فوق وعيزاك تطلعلها
جنه...بقى كده يا جلال بتبيعني 
ده انا حتى بنت اخوك حبيبتك
جلال...ايوه كده أظبطي ناس تخ اف متختشيش
جنه...طب يلا بقى والنبي عشان خاطري
جلال...طب قوليلي طيب فيه ايه قلقتيني.
جنه...ياسيدي هفهمك بعدين المهم يطلعلي قبل ما يمشوا أنجز يا جلال دي مسأله حياه أو م وت.
جلال...انا قولت بردو انتي عامله مصېبه يا خيبتك في بنتك يا قاسم يا اخويا
جنه...بغيظ قولنا إتلهي و أنزل أعمل اللي قولتلك عليه متخلنيش