مملكة الطوبجي من الأول لسادس عشر لأميرة اسامة
كده فهمتيني
ملك....بإبتسامه فهمتك
زيد....يعني خلاص اتفقنا
ملك ..اتفقنا
زيد...مش عايز مشاك ل تاني ولازم نكون هاديين عشان نقدر نطلع احسن ما عندنا.
ملك....حاضر
جه جلال في الوقت ده
جلال....انا جبت الاكل ايه ده زيد باشا بنفسه انت تيجي تاكل معانا بقى
زيد...بإبتسامه لا مش جعان انا كنت جاي اجيب قهوه و طالع اكمل شغل
جلال...والله ابدا مش ممكن ودي تيجي يلا يا راجل حتى عشان يبقى عيش وملح
جلال ..ليه كده بس ياباشا انا زي اخوك الصغير ملاقتش غير ابو لهب ده توقعني معاه
زيد....أعمل ايه بس ما انت موقعتش معايا
جلال...يعني هو انت قبلتني انت اول واحد رفضتني وعموما الاهتمام مبيطلبش انا بقيت مع ميس ملك
ملك...بضحك ده مش طبيعي
زيد....أتعودى عليه بقى و مترجعيش تزعلي
مشيت ملك وجلال سبقوا بخطوه وقف زيد باصص على ملك وجه في باله كلامه لمنذر أبتسم
زيد....وليه لا نجرب يا سي منذر مع اني عارف انه مستحيل
.........
في منزل الباشا
نزلت فيروز من أوضتها بعد نوم كتير لقت كاريمان معاها كاميليا وسما.
فيروز....مساء الخير
بصتلها كاريمان بإبتسامه صفرا مساء النور
فيروز...الحمد لله يا طنط كاميليا حضرتك عامله ايه
كاميليا...الحمد لله بخير.
فيروز....اذيك ياسما
سما...اهلا
فيروز....داده ناديه من فضلك ممكن تعمليلي نسكافيه.
ناديه...من عنيا ياست فيروز.
راحت فيروز قعدت جمبهم فضلت تلعب في ضوافرها عشان متركزش مع حد فيهم
كاريمان.....طيب وقالك هتستلميها امته
كاريمان....قلق ده ايه انتي ايه اللي بتقوليه ده ده بيت اختك
ابتسمت سما بشماته
كاميليا....هنزعجكم شويه يا فيروز
رفعت فيروز وشها لكاميليا...لا خالص حضرتك تنوري الدنيا يا طنط كاميليا زي ما طنط كاريمان قالت ده بيت أختك.
فيروز...ياخبر طيب وحصل حاجه في الڤيلا
كاميليا....لا حاجات بسيطه يعني لحقنا الدنيا على طول
فيروز...طيب الحمد لله المهم انكم بخير
سما....هي بتقولك مواسير الغاز فرقعت دي مواسير
مايه يعني اكيد مش هنغرق
سما...ااااه طيب
كاميليا...صحيح يا فيروز انتي شكلك لسه صاحية انتي بتنامي متأخر اوي كده اصل احنا بقينا المغرب وانا عارفه انك بتحبي تصحي بدري.
فيروز...فعلا انا بصحى بدري بس امبارح خرجت انا وحسام تقريبا اليوم كله كنا بره ورجعنا متأخر جدا فا كنت تعبانه
سما.....روحتي فين بقى اصل اللي اعرفه ان حسام ذوقه وحش اوي في الخروج او بمعنى اصح مبيعرفش يخرج
فيروز...بأبتسامه لا خالص حرام هو بيعمل اللي يقدر عليه وبعدين عادي هو بيسالني وبقوله على المكان اللي حابه نروحه مع بعض
سما...و رحتي فين بقى امبارح
فيروز...روحنا الملاهي
ضحكوا كلهم مره واحده
سما...ملاهي
كاريمان....عيني عليك يا ابني
كاميليا.....انتي بتستعيدي طفولتك ولا ايه
سما ...واضح ان مش ذوق حسام بس اللي وحشوالله ده انا كده ظل مت حسام كمان
قال ملاهي قال
بدأت الأبتسامه تختفي من وش فيروز بإحراج
فيروز....أحممم وهي الملاهي فيها ايه وحش او يضحك اوي كده
كاريمان....ولا حاجه بس مش شايفه انك مش صغيره على كده
فيروز....هو الخروج بقى بالسن الوقت وبعدين عادي هي مجرد فكره مجنونه جات في بالي والمهم اننا اتبسطنا.
كاريمان....وهي بتشرب قهوتها ومش باصالها والله انا شايفه ان واحده زيك و بظروفك بدل ما تفكر في خروجه للملاهي تفكر في خروجه للدكتور وتلاقي طريقه تخليها تبقى أم
بصتلها فيروز پغضب من غير ولا كلمه
سما....صراحه من غير زعل يا فيروز خالتوا معاها حق متبقيش انانيه يا فيروز فكري في حسام شويه
فيروز...بنبره وج ع انا انانيه
سما...اه حسام من حقه يبقى اب
وانتي مبتفكريش غير في نفسك
يعني المفروض بدل ما كنتي تعندي ومتروحيش للدكتور كنتي روحتي بدل ما تروحي الملاهي
خدت فيروز نفس طويل وحاولت تتمالك اعصابها
فيروز...على فكره انا قولت اني مش حابه اي حد يدخل في حياتي انا وحسام واحنا اللي هنمشي حياتنا بطريقتنا
كاميليا....الجواز مش شرك بين اتنين يا فيروز حماتك كمان ليها الحق ده زيكم واكتر هي ربت وكبرت عشان تشوف ولاد ولادها
ومن حقها تفرح بأبنها في حقه اللي انتي حرماهم منه
فيروز...بوج ع هو بأيدي
كاريمان....ايوه بأيدك انتي السبب في كل حاجه ابني بيمر بيها
فيروز...وابنك بيمر بايه انا معرفهوش عرفيني كده حياته حصلها ايه من يوم ما انا دخلتها
كاريمان...اهو اليوم ده بالذات كان اسوء يوم في حياتي واتمنى يتمحي من ذاكرتي او نخلص بقى
فيروز...تخلصوا تقصدي ايه
كاريمان...انتي فاهمه قصدي كويس ابعدي عن ابني يا فيروز انا مش هفضل شايفه ابني تعبان كده وهقف ساكته انا ليا صبر ولو نفذ
متلوميش حد غير نفسك
فيروز....انتي عيزاني اطلق انا وحسام مستحيل طبعا
كاريمان....يبقى انتي اللي اخترتي
و أعملي حسابك ابني هيجي عليه وقت و هيسيبك ماهو مستحيل يكمل مع واحده مبتجبش عيال
وقفت فيروز بوج ع حرام عليكي بقى كفايه ارحميني شويه انا تعبت
كاريمان...بسخريه وهي باصه لسما جهزي المندايل يا سما عشان فقره الدراما بتاعت فيروز اصلها
