مملكة الطوبجي من الأول لسادس عشر لأميرة اسامة

تخفيها بسرعه و تظاهرت بالحزن هتسيبني افطر لوحدي
حسام...ماهو منذر زمانه نازل
كاريمان...هو منذر بيفطر اصلا زي الناس وبعدين انت عارف منذر يعني طول الوقت بينظر على اي حاجه أعملها.
حسام....ليه مش منذر ده حبيب القلب
كاريمان...طبعا حبيب القلب بس انت كمان حبيبي ومبعرفش افطر من غيرك انت واخوك
افطروا طيب معانا وبعدين ابقى اخرج
حسام...بحب معلش يا امي انا وعدت فيروز ومش عايزها تزعل
كاريمان....معاك حق المهم هي متزعلش
حسام....مالك بس يا امي انا مش عايز اخرج وانتي مضايقه كده
نزل منذر في الوقت ده.
منذر....وهتضايقها ليه عالصبح ماهي زي الفل اهي صباح النور
كاريمان حسام.... صباح الخير
منذر...ايه مالها زعلتها ليه
حسام...لا والله مزعلتها كل الحكايه اني كنت هاخد فيروز و نفطر بره
منذر....حلو جدا طيب وفين المشكله يا ست الكل
كاريمان....بقلق من منذر ابدا مفيش مشك له كل الحكايه بقوله يفطروا معانا وبعدين يخرجوا خصوصا اني مبعرفش افطر من غير ما افطركم بأيدي
منذر....ابتسم منذر كاريمان هانم الباشا قرب منها باس راسها انا وحسام اتفطمنا من زمان خلاص كبرنا وبقينا رجاله ولو على حسام يا ستي اطمني مراته معاه تأكله بايدها وتطمن عليه اما انا بقى ياست الكل مسك ايدها حطها في ايده وخدها عالسفره جعان اوي وبما اني لسه مجوزتش فا مسموح ليكي تأكليني بأيدك وتطمني عليا كمان.
بصتله كاريمان پغضب بسيط ومقدرتش تعترض
اما منذر بص لحسام ابتسم وغمزله
ضحك حسام بحب وسكت
نزلت فيروز في الوقت ده
فيروز...صباح الخير
منذر...صباح الفل
كاريمان...صباح الخير
حسام...ايه يا حبيبي جاهزه
فيروز....اه جاهزه
منذر....يلا ياسيدي انت وهي من غير مطرود روحوا افطروا متنسيش يا فيروز تأكلي حسام 
ابتسمت فيروز هي وحسام واستأذنوا ومشيوا
كاريمان....أنت قاصد تضايقني صح
منذر...بإبتسامه ما تهدى على نفسك يا كوكي مالك كده أتفطم خلاص يلا أكليني انا لسه متفطمتش
ابتسمت كاريمان ڠصب عنها وبدأوا يفطروا مع بعض
............
خرج راجح وركبت معاه روح وزهره وصبا
وركب زيد عربيته و اتحركوا مع بعض.
اثناء الطريق اتصل منذر بزيد
زيد.....عايز ايه
منذر...واحشني وعايز اشوفك
زيد...لا خلاص كان في وخلص أخرك معايا كان امبارح وانت اللي عملت فيها مهم وصاحب شركه و إجتماعات
منذر...بضحك ميبقاش قلبك اسود بقى انت عارف ميمنعنيش عنك غير الشديد القوي
زيد....والله لو قلبت رقاصه ما هعبرك.
منذر....طيب بقولك ايه هصالحك وهأكلك اكلت سمك وجمبري تحلف بيها في المكان بتاعنا
زيد....بضحك هو باين عليا اني بقيت طفس ولا ايه الكل بيرشيني بالأكل
منذر...أعمل ايه طيب ماهي دي الحاجه الوحيده اللي ممكن اجيبك بيها لا ينفع معاك نسوان ولا اي إغراءات ماديه
زبد...بضحك ماشي يا سيدي اشوفك بليل هجيب بس مراد من المطار و اقعد معاه شويه وبعدين أقابلك
منذر...خلاص اتفقنا يلا سلام
زيد....سلام
..................
في المستشفي
فضلت ليلى واقفه قدام العنايه باصه على والدتها من الزجاج ودموعها نازله.
داوود....حبيبي كفايه عياط بقى عشان خاطري.
ليلى...هي ليه مش بتصحي يا داوود
داوود...ياحبيبتي هنا مدينها مسكنات و مهدئات عشان تفضل مرتاحه الدكتور مش لسه قايل انها فاقت الصبح ورجعت نامت تاني
ليلى...هتبقى كويسه مش كده
داوود...بحب هتبقى زي الفل وهتقوم و هترجعلنا
ليلى...يارب يا داوود
...ليلى
بصت

ليلى على الصوت لقتها روح
ليلى...روح
قربت منها روح حضنتها بحب
فضلت ليلى ټعيط في حضنها
روح...هتبقى زي الفل متخ افيش
زهره...بتآثر ليلى حبيبتي متخ افيش
ليلى....مامي تعبانه اوي يا زهره
زهره....هتخف والله وهتبقى كويسه وبعدين هي تعبت كتير اوي واتحملت عشانك اكيد هتتحمل وهتعدي
روح...اه والله هتبقى كويسه ادعيلها انتي بس
صبا....حطت ايدها على شعر ليلى بحنان متخ افيش يا ليلى كلنا معاكي يا حبيبتي.
بص داوود لراجح اللي واقف وابتسم بحب وحس انه مرتاح اكتر لما شافه معاه
ابتسم راجح لداوود بحب من غير اي كلام.
زيد....قرب زيد منها ألف سلامه عليها ياليلى ربنا يقومها بالسلامه
ليلى....الله يسلمك يازيد بجد تعبتوا تفسكم اوي
زيد...تعب ايه بس يا ليلى اللي بتقولي عليه.
روح...حبيبتي احنا اهل وانتي عارفه انك غاليه علينا.
بصت ليلى بطرف عينها على راجح.
راجح...أزيك يا ليلى.
ليلى....الحمد لله انا بخير شكرا يا باشا على زيارتك
راجح....مفيش شكر بينا يا ليلى ان شاء الله ربنا هيطمنك عليها
ليلى...يارب.
راجح....طيب مفيش حل لو يعني ممكن تسافر بره
ليلى....للأسف لأ احنا فضلنا كتير بره بس من غير أي فايده
صبا.....اطمني يا ليلى أكيد هتعدي زي ما عدت قبل كده
ليلى....المرادي شكلها مش هتعدي يا صبا
روح...ليه التشاؤوم بس ده هتبقى زي الفل وبكره تقولي روح قالت
ليلى...يارب يا روح انا مليش غيرها في الدنيا دي كلها.
زيد....كلنا معاكي يا ليلى وهي هتقوم وهتبقى وسطنا اطمني
داوود....اااا طيب تشربوا حاجه
روح ...لا نشرب ايه احنا جايين عشان نطمن على ليلى ووالدتها
زيد....خليك يا داوود احنا بس شويه و ماشيين على طول
داوود....مراد هيوصل امته
زيد...شويه كده يعني هنرجع على المغرب كده
داوود...هتروح تجيبه انت
زيد....بإبتسامه وانا ورايا غيركم يا ولاد الطوبجي
داوود...بإبتسامه وصوت واطي كان المفروض انا اروح اجيبه بس
زيد...بس ايه هتسيب ليلى لوحدها متحملش هم انا هروح وامير هيقابلني وجاي معايا
داوود....ربنا ما يحرمني منك يا زيد
زيد...بحب ولا منك يا عمو
خبطه داوود على كتفه
زيد...ابقى ارتاح شويه انت من امبارح تعبان
داوود....متقلقش عليا
..........
راجح....لو في حاجه يا ليلى اقدر اساعد بيها انا مش هتأخر
ليلى....شكرا انا مش محتاجه اي حاجه و الدكاتره هنا