الخامس عشر مملكة الطوبجي لأميرة اسامة

ما اي حد يحس بينا يا جلال واعمل بيني وبينك وبين ملك شات كل حاجه تتراجع في الورق نكتب الرقم اللي طلع
ملك...كويس جدا بس كده احنا هناخد ورق كتير من الارشيف ومش عايزه حد يعرف والمش كله الوقت في الموظف اللي تحت
جلال....حاج توفيق ده راجل كبير و محترم اوي.
ملك...عارفه بس بما اننا قررنا ان الموضوع بينا احنا التلاته بلاش حد تاني يعرف خصوصا احنا لحد الوقت منعرفش مين اللي عامل الكارثه دي بلاش نثق في موظف زياده عن اللزوم يمكن يكون محترم بس ممكن يبلغ بطريقه غير مقصوده عن الورق اللي اتاخد واللي عمل كده يهرب ولا يلاقي حل.

ياسين...ملك معاها حق خلاص انا عندي فكره جلال هينزل ينادي عليه ويقوله انه هيفضل مكانه لحد ما ينزل و انا هحاول على قد ما اقدر اشغله معايا هنا شويه تكوني انتي وجلال خلصتوا شغلكم تحت
ملك....طيب تمام كويس اوي.
جلال...طيب هقوم انا انزل
ياسين...وانا هستناه هنا بس المهم بسرعه وفي نفس الوقت تركزوا مش عايز غلط ولا عايز حاجه تتنسي.
ملك...متقلقش سيبها عليا يلا يا جلال.
...................
في المساء رجعت فيروز ڤيلا الباشا من تاني كان تعبها بيزيد دايخه وحاسه بعدم إتزان و معدتها تعبانه كانت شايله هم كاريمان بس كانت مضطره متديلهاش فرصه عشان تطلع ترتاح وفي نفس الوقت حسام ومنذر مكانوش رجعوا وطبعا حسام من وقت اللي حصل مع سما وهو ډافن نفسه في الشغل عشان يهرب من تفكيره
فيروز....مساء الخير
كاميليا...اهلا يا فيروز عامله ايه يا حبيبتي
فيروز...بخير يا طنط
سما...ازيك يا فيروز وحشتيني والله.
فيروز....ميرسي يا سما ازيك يا طنط
كاريمان...اهلا يا فيروز اخوكي كويس
فيروز....الحمد لله يا طنط اطمنا عليه ربنا نجاه.
كاريمان....الحمد لله
فيروز....طيب انا هطلع عشان ارتاح لاني حاسه اني تعبانه شويه
كاميليا....سلامتك يا حبيبتي مالك شكلك باين انك تعبانه فعلا
فيروز....بتعب واضح من بدري معدتي تعبانه وبرجع و دايخه شويه
بصتلها كاريمان بإبتسامه وفرحه داخليه طيب نطلب الدكتور يا حبيبتي يطمنا عليكي وقامت راحت عليها
كاميليا وسما بصوا لبعض پصدمه من تغيير كاريمان المفاجئ وخ وف لا يكون اللي فكروا فيه طلع صح
واول ما كاريمان وصلت لفيروز وقعت من طولها فاقده الوعي
فضلت كاريمان تص رخ فيرووووز
الحقيني يا كاميليا حد يتصل بدكتور اتصلوا بحسام بسرعه.
أتصلت الشغاله بسرعه بالدكتور واتصلت كاريمان بسرعه بحسام ومنذر تبلغهم وبسرعه اتحركوا على الڤيلا.
ولسه سما و كاميليا على صدمتهم
كاريمان....انتوا مالكم واقفين كده ليه تعالوا ساعدوني يلااااااا
البنت مرميه على الارض
جريت عليها كاميليا وسما و معاهم الشغاله رفعوا فيروز على الكنبه وفضلوا مستنين
الدكتور و وصول حسام ومنذر
وللحديث بقيه...