الحادي عشر مملكة الطوبجي لأميرة اسامة
لما حست بلمسته خ افت منه لكن حاولت تتماسك ابتسمت أبتسامه مصطنعه كلها رع ب.
شمس...بجد يبقى جميل عمري ما هنساهولك وزي ما قولتلك هديك اي ضمان تحتاجه.
سالم....انا مستعد اديكي المبلغ ومش عايزك ترديه تاني بس بشرط
شمس...بلعت ريقها بخ وف من نظراته لا انا مش عايزه اخد من غير ما ارد صدقني يمكن انا غلطت ومعترفه بس ده حقك
شمس.....اتفضل قول انا مستعده اعمل اي حاجه عشان انقذ امي
سالم...بإبتسامه مرع به هديكي ال الف وهديكي مبلغ كمان لعلاجها بعد العمليه من غير ضمانات ولا اي حاجه مقابل
ليله
شمس...بتوتر وخ وف نزلت دموعها تجري على خدها بس حاولت تستفهم أكتر ليله تقصد ايه بليله
بصتله شمس بش ر وحقد وإستحقار وفجأه مشيت من قدامه بسرعه على اوضتها وثواني ورجعت وهي ماسكه شنطه الفلوس حطتها في ايده پغضب
شمس....فلوسك معاك أتفضل اطلع بره
سالم...بالسهوله دي أنتي ناسيه ان في كاميرات
شمس....أعمل اللي تعمله و أعلى ما في خيلك اركبه حتى لو هتروح تبلغ عني وتنكر اني رجعتلك فلوسك مش مهم انا عندي أتحبس ولا اني أعمل اللي طلبته
سالم...بإبتسامه جميل اوي دور الشرف ده طيب وامك ياتري شرفك هينقذها
شمس...لو امي عملت العمليه و فاقت وعرفت اني فرطت في شرفي عشان أعالجها كده كده هتم وت عشان الشرف عندنا غالي اوي.
شمس...أطلع بره وخد رجالتك معاك بدل ما أفرج عليك الدنيا
سالم....بإبتسامه طلع الكارت بتاعه ورماه على التربيزه الكارت بتاعي معاكي اهو لو حسيتي انك غيرتي رأيك كلميني و أتمنى متخديش وقت في التفكير بدل ما تصحي تلاقي أمك سابتك خالص
شمس...بدموع بررررره
بصلها سالم بقرف وخد الشنطه ومشي هو ورجالته
في نفس التوقيت عند مراد
ساب مراد أمير يكمل هو الحفله وبعد ما عرفه على فاطيما و بباها و مامتها أستأذن منهم ومشي هو و ساب الجارد مع امير عشان يرجع معاهم.
كان مضايق عشان فرح عارف انها هتتوج ع لو عرفت الخبر لكن مكانش قادر يجي على ابنه كمان خصوصا انه حس انه فعلا بيحب فاطيما و شاف ان فاطيما بنت كويسه.
كان ماشي على الكوبري ركن على جنب الكوبري كان هادي في الوقت ده وفضل يدور لحد ما لقاه واقع
مراد....ايوه يا زيد
زيد...انت فين
مراد...ابدا راجع خلاص كنت مع امير في مشوار كده و سبته وجاي في حاجه ولا ايه
زيد....أبدا كنت بشوفك فين وكنت عايز أفرحك
مراد...ايه خير اوعي تقول حصل والباشا عرف يقنع ليلى
زيد...بإبتسامه حصل يا باشا وكله تمام
مراد...بفرحه اخيرا يا جدع والله فرحت قلبي يا زيد ربنا يفرحك طيب طمني داوود طاير من الفرحه طبعا
زيد...طبعا محدش قده
مراد...الحمد لله انتوا فين طيب
زيد....هما روحوا خلاص انا بس كنت بشتري حجات كده وهروح
مراد...خلاص نتقابل هناك
زيد....ماشي يا حبيبي يلا سلام
مراد...سلام
قفل مراد وهو بيضحك ومبسوط
مراد....ربنا يسعد قلبك يا داوود انت وليلى هتبقى أحلى عريس في عيله الطوبجي يا ولااااوفجأه أبتسامته راحت
مراد....يابنت المجنونه
فتح مراد باب العربيه ونزل جري بأقصي سرعه بمجرد ما لمح بنت واقفه على الكوبري و بتحاول تنت حر من فوق.
جري مراد وقبل ما ترفع تقى رجلها وصل مراد ليها
مراد....لاااااا
تقى....أبعد عنيييي سبني
مراد...انتي مجنونه
تقى....سبني أرجوك
مراد....لأ مش هسيبك
تقى...حرام عليك ابعد عني خليني اخلص وارتاح
مراد....وهو بياخد نفسه بسرعه مش هسيبك يا مجنونه ايه اللي انتي بتعمليه ده.
تقى....بأنهيار عايزه اخلص من حياتي
مراد....وهو بيلقط نفسه ليه ليه حرام عليكي انتي شكلك صغير ليه تعملي كده
