الحادي عشر مملكة الطوبجي لأميرة اسامة

وبصت لبعيد وهي دموعها نازله.
جدي الله يرحمه مكانش عنده غير بابا وعمي لما اتوفى جدي اتقسم الورث بالتساوي عليهم جدي كان اي فلوس بيعملها بيشتري ارض ويبنيها اوقات يبعها لما تجيب سعر كويس واوقات يطلعها عماره المهم ان نصيب بابا وعمي كان اربع عمارات كل واحد فيهم خد اتنين وقتها عمي العمارات بتاعته اتقدرت بتمن اكبر من بتوع بابا وبابا مرضيش ياخد منه الفرق قاله احنا اخوات وانت اخويا الصغير واللي معاك معايا عمي طول عمره بيحب يصرف وبس لا بيهتم بشغل ولا بيهتم انه يكبر باع العمارتين وبقى يصرف بابا نصحه كتير لكن هو كان طبعه كده بيحب يفضل قاعد من غير شغل طول ماهو معاه فلوس حتى مراته وولاده مكانش فارق معاه المهم في فلوس

بابا كان مهندس وهو اللي حببني في الهندسه قرر انه يعمل العمارتين دول مقر لمكاتب هندسيه منها يشجع الشباب ومنها تبقى زي شركه صغيره ليه وفعلا شغله كبر واسمه سمع عبد الرحمن العابد بقى حد معروف في مجاله 
حياتنا اتغيرت تماما وبقينا في حته احسن بكتير كل فتره كان بابا بيساعد عمي وبيحاول يخليه يقف على رجله لحد ما في يوم في حد لعب من وراء بابا في الشغل بتاعه وخسره فلوس كتير اوي وطبعا الخساره دي رجعت بالسلب على كل المشاريع وبقى الكل يطالب بفلوسه بابا خد قرض من البنك بضمان الڤيلا والعربيات وحتى العمارتين معادا الشقه اللي احنا عايشين فيها دي كانت بتاعت جدي وبابا وقت تقسيم الورث رفض انها تتباع واشتري نصيب عمي . طبعا الكل خ اف وفقدوا الثقه في بابا وبدأوا يسحبوا شغلهم من المكاتب
وجه وقت تسديد القرض وبابا لا قدر يرجع شغله ولا قدر يكسب ثقه حد ولا حتى قدر يرجع القرض بس وقتها كان في مبلغ مع بابا وكان حاجه سايبهم على جنب طبعا بابا خد قرض تاني من البنك يمكن يقدر يعمل حاجه بس خ اف انه ميقدرش يثبت السرقه اللي حصلت وان البنك يحجز على املاكه راح لعمي كتب ارض باسمه وسلمه المبلغ اللي معاه وقاله دول امانه معاك لحد ما اخلص من المصېبه دي كان واثق فيه لانه اخوه وطبعا بابا اتقبض عليه لان الأملاك اللي كانت عنده مكانتش تعادل القروض خدها بس بابا مستحملش حس پقهر والسكر اترفع عليه وقلبه تعب مكانش عمره يفكر انه يتحط في موقف زي ده واټوفي بابا قبل ما يتنطق اي حكم ..ووقتها روحنا لعمي عشان نرجع حقوقنا حلف واقسم انه مخادش حاجه منه بس بابا يوم ما راحله رجع حكلنا اللي حصل وطمنا ان الفلوس في أمان
بس عمي كڈب ده وكمان حاول يبان ان هو طيب وحنين وقال انه هيقف معانا بعد ما الڤيلا والفلوس والعربيات والمكاتب اللي في العمارتين كلهم راحوا كان شايف انه هيعطف علينا وده اخرنا معاه 
وقال انه مستعد يجبلنا عربيه واحده تساعدنا في مشاويرنا
صممنا كتير ان حقنا معاه بس للأسف مكانش في اي دليل وكل مره يحسسنا اننا رايحين نشحت منه وناخد حاجه مش من حقنا مجرد مساعده.
رفضنا طبعا وقررنا اننا نوكل ربنا عليه عيشنا في الشقه بتاعت جدو وبعد ما كنت بشتغل مع بابي كل حاجه اختفت بقيت ادور على شغل ماما بعد بابا بثلاث شهور م اتت من قهرتنا وذلنا
وفضلت انا وميار لوحدنا
عشنا كتير ايام مرع وبين من مجرد صوت شجر بره الشباك او حتى لو صوت قطه بره على الباب
عمي مفكرش بعد م وت ماما يسأل علينا او حت يرجعلنا جزء من فلوسنا مصعبناش عليه سابنا بنتين لوحدنا من غير اي سند
سابني بتمرمطت و بشتغل عشان نقدر نعيش واقدر اقف على رجلي من تاني والمصېبه انه لما ضيع كل حاجه خدها من بابا جالي انا يطلب مني اي فلوس مكفهوش اللي عمله كمان جاي يمد ايده ليا بدل ما يقف معايا ويبقى ضهري لا عايزني اصرف عليه قررت من اليوم ده اعتبره م ات واننا مش هنفكر في حاجه تاني ابدا من اللي حصلت وهنبص لنفسنا وبس
طلبت من ميار تحافظ