العاشر مملكة الطوبجي

من يوم ما اتولد لحد الوقت ومش بعيد يكون قال اسرار العيله
ملك... صراحه هو.
ياسين....من غير ما تقولي عارف اخويا بقى وحافظه
ملك...بإبتسامه ربنا يخليهولك هو بجد لذيذ جدا
ياسين....اول حد اشوفه بيشكر فيه
ملك...ليه كده بس
ياسين....لما تعرفيه اكتر هتتأكدي ومش بعيد الاقيكي داخله عليا المكتب في يوم عندك انه يار عصبي بسببه.
ضحكت ملك ڠصب عنها ونسيت انها واقفه مع ابو لهب
ابتسم ياسين وهو باصصلها.
بصتله ملك بأستغراب
ياسين....مالك في ايه
ملك....مستغربه شويه بصراحه
ياسين...مستغربه ايه
ملك...بصراحه انا اول مره اشوفك بتضحك ودي حاجه غريبه.
ياسين...غريبه اني اضحك
ملك...اه جدا
ياسين....لا مش غريبه ولا حاجه على فكره انا انسان طبيعي جدا بس كل الحكايه اني بحب شغلي اوي ومبقدرش أهزر فيه ابدا
وعموما كويس اني شوفتك عشان اعتذرلك على طريقتي
بصتله ملك پصدمه 
ياسين....بإبتسامه ما احنا أتفقنا بقى اني انسان طبيعي بيضحك وممكن يعتذر كمان
ابتسمت ملك وبصتله.... عموما حصل خير انا اكيد مش مضايقه وعارفه بردو ان حضرتك كان ليك حق تضايق.
ياسين....وانا فهمت سوء التفاهم وحصل خير خلينا نبدأ صفحه جديده بقى بما اننا تيم واحد ولازم نكون متفقين.
أبتسمت ملك و مدتله ايدها
دخل زيد في الوقت ده بسرعه
زيد....شريف عايز القهوه بتاعتي بسرعه وقف مره واحده لما شافهم واقفين لوحدهم قرب منهم بإبتسامه جذابه ايه الاخبار
ملك...تمام يا مستر زيد
ياسين...مالك جاي بسرعه كده ليه
زيد....مصدع وعايز قهوه عشان اطلع اكمل شغل بسرعه
ملك....احمم طيب بعد اذنكم
ياسين...اتفضلي
اكتفى زيد بإبتسامه وهز راسه
فضل ياسين باصص عليها لحد ما خرجت ورجع بص لزيد.
زيد....ايه اللي حاصل كنتوا ماسكين في بعض من يومين
ياسين...بإبتسامه يا سيدي أقتنعت اني غلط وبصراحه انا زودتها معاها ومش حابب ازعل روح وشكلها لذيذ البنت يعني
زيد...يا حنين لذيذه ماشي يا عم الله يسهله
ياسين...بإبتسامه ايه دماغك هتروح لبعيد ليه انا بتكلم عادي على فكره
زيد...هو انا قولت حاجه 
ياسين...طيب انا هطلع عشان مديلكش فرصه تعمل حفله عليا
زيد...بأبتسامه أطلع يا سيدي .
مشي ياسين وهو بيضحك
اتنهد زيد ورفع راسه لفوق
زيد...ايه يا عم زيد هتفضل كده لحد أمته اخواتك وراك وراك .
خد القهوه وطلع تاني على مكتبه 
..........
في ڤيلا الباشا
وقفت فيروز قدام المرايه تظبط شعرها بعد ما لبست. وثواني و خدت شنطتها ونزلت
لمحت من فوق كاريمان و كاميليا وسما قاعدين.
فيروز....بصوت هامس يارب عدي الثواني دي على خير
نزلت فيروز و قربت منهم بهدوء
فيروز....مساء الخير
كاريمان....على فين كده يا فيروز
فيروز...ابدا رايحه لمامي شويه
كاريمان....على الضهر كده وبعدين خير في حاجه ولا ايه اصل مش بعاده تصحي بدري بقالك كام يوم بتصحي متأخر ولو صحيتي بدري بتفضلي في الأوضه لحد ما يجي حسام.
فيروز...بنفاذ صبر مفيش حاجه يا طنط أطمني هما بخير انا رايحه اقعد معاهم عادي ولو على اليومين اللي حضرتك بتقولي عليهم بصحى فيهم متأخر ده عشان بنام متأخر والأهم بقى من كل ده أظن يعني حتى لو صحيت بدري مش هيفرق معاكي أوي اني أفضل في الأوضه لحد ما جوزي يجي عشان بأختصار مظنش اننا متفقين اوي عشان نقعد مع بعض
كاريمان...بإبتسامه والله كويس أوي انك عارفه أنك ضيفه غير مرغوب فيها و وجودك هنا تقيل على قلبي مضطره أتحمله بس عشان أبني.
فيروز...بإبتسامه والله حضرتك لو مضطره براحتك لكن انا مش مضطره ابدا أسمع كلام يضايقني عشان كده افضل ليا اني احبس نفسي في اوضتي عن اني انزل اقعد مع حضرتك
بصتلها كاريمان پغضب
وقبل ما فيروز تمشي وقفت ثواني وهي مبتسمه اااه نسيت اقول لحضرتك طول ما أنا على ذمه حسام فا انا مش ضيفه أنا صاحبه بيت باي
بصت كاريمان لأختها ولسما وهي 
عفاريت الدنيا بتتنطت في وشها
كاريمان...استني عندك هنا
فيروز....ببرود في حاجه نسيتي تقوليها يا طنط
كاريمان.....انتي قولتي لجوزك أنك رايحه لمامتك.
فيروز...ببرود لأ
كاريمان....وازاي خارجه من غير ما تقوليله
فيروز....والله يا طنط انا شايفه
إن دي حاجه تخصني أنا و جوزي متشغليش بالك انتي بيها..
كاريمان..... فيرووووز انتي بتردي عليا وتقصدي ايه بحاجه تخصني انا وجوزي قصدك اني مليش دعوه.
فيروز...بعيدا يعني عن المعنى وصلك ازاي بس الحقيقه عمرها ما بتزعل يا طنط فعلا هي دي حاجه تخصني انا وجوزي مش من حقك ولا من حق اي حد يدخل فيها
كاريمان...انتي قليله الادب
فيروز...بإبتسامه برود ميرسي اوي يا طنط
بس ياريت تشوفي حاجه جديده اصل الكلمه سمعتها منك كتير اوي.
سما....انتي شكلك كده أتجننتي 
و