الثامن مملكة الطوبجي

زيد وقف و قاطعها حلو اوي يبقى اتفقنا اظن نكمل شغلنا بقى و منضيعش وقت كفايه الوقت اللي ضاع في نقاش و جدال ملهوش اي لازمه تمام
زيد...يلا يا آنسه ملك كملي شغلك.
ملك...تمام يا مستر زيد بعد أذنكم
خرجت ملك وسابت زيد معاه بصله پغضب.
ياسين...ايه بتبصلي كده ليه.
زيد...مش ناوي تغير تفكيرك العقيم ده بقى شويه
ياسين....انت هتيجي عليا عشانها
زيد...لا يا ياسين انا بتكلم كلمة حق انا مش شايف انها غلطت وانت اللي كبرت الموضوع وواضح اوي انك مضايق عشان فكرتها عجبتنا اكتر
ياسين....انا يا زيد انت شايفني كده
زيد...والله طريقتك وكلامك بيقولوا كده

ياسين...انا مبحبش حد يتحداني في الشغل
زيد....دي مش حرب يا ياسين ده شغل ياريت تفكر في كلامي ومتحاولش تخسرها واضح انها شاطره جدا في شغلها
ياسين....الصنف ده كله ملهمش في الشغل اصلا
زيد... بلاش تكابر يا ياسين خصوصا اني شوفت في عينك نظره إعجاب بشغلها وثقتها في نفسها... ابتسم زيد يلا هسيبك تكمل وخف عليها لو اللي اشتغل معاك قبل كده كان بيبوظ فا ملك واضح اوي انها مش زيهم خالص وحقيقي هي إضافه للتيم بتاعك.
خرج زيد و سابه واقف شارد في كلامه وكلامها
...........
في الخارج
خرج زيد لقى ملك معاها جلال
زيد...نركز في الشغل تمام
جلال....انا ولا آنسه ملك
زيد...والله آنسه ملك ميتخ افش عليها ومركزه جدا الدور والباقي عليك
جلال...متقلقش عليا ياباشا ده انا بقيت مستر
أبتسم زيد إبتسامه جذابه ربنا يعينك على الاتنين دول
ضحكت ملك رغم ڠضبها
جلال...اه والله معاكي اتنين بيمثلوا برج الجوازء بالظبط
واحد اعوذ بالله ابو لهب في نفسه والعبد لله كده كيوت و فرفوش ودمه خفيف و بيجلب الحبيب
زيد...طيب يلا ياست خديجه أخلص
فضلت ملك تضحك هي وجلال و سابهم زيد وراح على مكتبه.
............
في غرفه فرح 
كانت قاعده على السرير ضامه رجلها على صدرها و باين عليها الحزن وسرحانه.
خبطت جنه و بصتلها بإبتسامه ممكن ادخل يا عمتو
فرح...بإبتسامه تعالى يا جنه أدخلي.
دخلت جنه وقعدت جمبها على السرير.
جنه....يعني انا لو مسألتش عليكي متعبرنيش وبعدين هتفضلي قافله على نفسك كده.
فرح...فين ده انا مش الصبح كنت بفطر معاكم تحت
جنه...هو انتي فطرتي اصلا ولا حتى كنتي قاعده معانا انتي كنتي في حته تانيه خالص
فرح...بتنهيدة المهم اني موجوده وخلاص بقى مش هتفرق موجوده بجسمي ولا بروحي
جنه...لا هتفرق يا فرح وهتفرق كتير انا بجد مش فاهمه انتي ليه عامله في نفسك كده على فكره بقى انا شايفه ان اللي حصل ده كويس جدا قبل ما كنتي تتعلقي بيه اكتر
فرح....هو انا لسه هتعلق بيه يا جنه دول 22 سنه من يوم ما فتحت عيني على الدنيا وانا مش شايفه غيره قدامي كان بيهتم بكل تفاصيلي يلاعبني يأكلني لما كبرنا بقى يخرجني هو وجلال بالنسبالي كانوا صحابي بجد بس جلال كان متعلق بيه هو اكتر ما هو متعلق بيا وانا كمان اتعلقت بيه اكتر ما اتعلقت بجلال وڠصب عني لقتني بتعلق كل يوم بيه وبحبه اكتر من اليوم اللي قبله
الاول وانا صغيره كنت بتعامل معاه على انه ابن عمي واخويا وصاحبي لاني مكنتش افهم حاجه عن الحب لكن بعد ما فهمت مقدرتش اشوف حد غيره حبيب
قلبي رفض قرب أي حد إلا حبي ليه. صدقيني ڠصب عني يا جنه مش سهل زي ما انتي متخيله ادوس على الزار وانسى انتي لسه صغيره ومجربتيش انك تحبي
جنه....يمكن اللي بتقوليه ده صح ويمكن فعلا انا لسه صغيره على الحب وكمان الحب بالنسبالي مش بشوفه زيك يعني انا عمليه شويه عنك يا فرح انتي رومانسيه بزياده انا بشوف ان الحب مينفعش يوقف حياتي جه اوك مجاش حياتي مكمله فيها حجات تانيه حلوه وفيها ناس احلى يمكن هيجي في يوم من الأيام ويمكن يجي وميكملش أفضل انا بقى موقفه حياتي بعد الحب اللي مكملش ده مستحيل طبعا
فرح...أنتي بتتكلمي كده لأنك مجربتيش وج ع الحب ديما يا جنه اللي بره بيحكم على الامور بعقله
جنه....معاكي في دي كمان ومش معني اني بقولك حياتي هتكمل اني مش هتوج ع اصلا فكره انك تحبي شخص وتقربي منه مش سهل عليكي فراقه خالص بس كمان مينفعش نوقف حياتنا مش يمكن ده خير لينا نتوج ع شويه عادي بس الوج ع