رواية تمرد عاشق الجزء الثاني همسات مبعثرة البارت التاسع والعشرون لسيلا وليد

واقعد مؤدب
رفعت حاجبها تنظر إليه بسخرية
ليه حبيبي الهدوم بتوقفه!
ثم رفعت ذراعيه تعانقه وهمست بأغراء
الحب مفيش حاجة بتقدر عليه ياحبيبي
حاول إخفاء ابتسامته بقدر المستطاع على صغيرته التي تتلاعب بمشاعره.. فأنزل يديها بهدوء.. وقام بحملها متجها لفراشها دون حديث
شيعته بنظرة إستفاهمية
مالك يابيجاد من وقت مابابا كلمك وإنت بتحاول ترسم ابتسامة على وشك.. بابا قالك حاجة ضايقتك
ازداد توتره ثم رفع كفه يتحسس عنقه.. وهز رأسه بالرفض
لا باباكي مقاليش حاجة...تعبان وعايز أنام.. تخيلي من يوم مامشيتي منمتش ساعة كاملة
رفعت يديها إليه واشارت على ساقيها
تعالى نام.. انا نمت كتير ومش جايلي نوم دلوقتي
احترق جدران قلبه عندما تقابلت عيناه بعينيها البريئة.. كيف له أن يقص لها مايشعر به.. كيف لها أن تتحمل ماسيفعله
اطبق على جفنيه وشعر بتثاقلهما.. ثم خطى إليها باسطا جسده على الفراش واتخذ من ساقيها وسادته
رفعت كفيها تربط على خصيلاته الناعمة.. ثم أمالت تقبل خديه وتحدثت وكأنها تقص له مايحلو من القصص
هحكي لك على قصة البنت اللي كانت پتكره او مابتأمنش بالحب.. سحبت نفسا ثم تحدثت
تعرف كنت بستتقل دمك جدا من اول كام مرة شوفتك فيها..
احست بوخزة مؤلمة اصابت شقها الأيسر عندما تذكرت
يوم ماقابلتك عند الدكتور طارق مع بابا.. دي كانت أول صدمة ليا.. وقتها بس حسيت إني متلخبطة ومش عارفة أنت بتكون إيه في حياتي..
ارتجف قلبها وأكملت
لما كنت بقرب من بابا مكنتش عايزة أبعد عنه خالص..وكنت بتمنى أن الوقت يوقف عليه هو وبس..مكنتش فاهمة إحساسي دا بأبوته..ولم كنت بتقرب مني كنت بحس بدقات عڼيفة في قلبي لدرجة کرهت نفسي أوي وقتها
انسدلت عبرة خائڼة من بين جفنيها وأكملت
مكنتش فاهمة يعني ايه شعور الحرمان والإحتواء يابيجاد..بابا كان بيحاول يقرب مني عشان كان حاسس اني بنته..وأنا كنت بقرب منه عشان كنت فاكرة مشاعري دي حب بشخصية مثالية زيه.. واهرب من دقات قلبي ليك.. اصلك جذبتني جدا.. حسيت أعرفك بقالي سنين طويلة
ابتسمت بحزن وأكملت وهي تغرس اناملها بخصيلاته
في الوقت دا.. أنت كنت مجنني معرفش كنت بكرهك ولا بحبك ولا إيه بالضبط..
أمالت بجبينها ونظرت لمقلتيه
كنت عامل زي المغناطيس اللي بيجذب..
تنهدت تأخذ نفسا ورفعت رأسها
أول مرة حسيت إنك مهم ليا.. لما شوفتك في الجامعة مع سيلا.. وقتها حسيت إني غيرانة عليك ونفسي أضربك أوي.. وخصوصا لما شوفتك ماسك ايدها
رفع كفيه وسحب كفيها يلثمهما
ابتسمت إليه وأكملت
من وقتها وحضرتك بقيت تجذب فيا أكتر وأكتر.. حتى لما وقفت قدامك وقولت إني بحب جواد الألفي.. كنت عايزة أشوف ڼار الغيرة في عيونك دي بس
نظرت إليه تكبح غلالة دموع غيمت مقلتيها متذكرة شيئا
طارق كان حنين جدا معايا.. بس مش حنان الأب لبنته.. معرفش وقتها نظراته ليا كانت إيه.. ارتجفت شفتيها ونظرت اليه
الصراحة هو عمره ماحاول يقرب مني.. كان دايما مسافر.. ومامي.. قصدي تهاني كانت هي اللي يعتبر كل عيلتي لحد مااتعرفت على يمنى في تركيا.. بابا كان مهندس كويس.. وقتها ارتبطت بيها جدا
وادللت على مامي عشان ننقل جنبهم وبما ان طارق مكنش موجود تهاني كانت بتعمل كل اللي بطلبه واتقابلت هي ووالدة يمنى اللي طلعت صديقتها من اعدادي..
ابتسمت واسترسلت
الدنيا دي ضيقة أوي.. وعدت سنين كتير ويمنى رجعت مصر قبلنا بسنتين.. رجعت للوحدة تاني.. فيه ولاد كتير حاولوا يتقربوا مني وأنا في ثانوي.. لكن أنا مكنتش بحب كدا.. كنت عاملة زي السحابة اللي مبتقفش في مكان..
بحب الضحك والهزار.. اعتدل جالسا يستمع إليها بتركيز... رفعت نظرها ثم ابتسمت
لما تهاني قالت هنرجع نستقر في مصر.. كنت مخڼوقة ومضايقة على رغم المفروض أكون سعيدة عشان يمنى.. بس مكنتش حابة ارجع هنا من كتر ماكنت بسمعه عن مصر
ورجعت مصر وأول اسبوع شوفت واحد واقف قدامي بارد وعمال يشتم.. دققت النظر بملامحه وأكملت
وقت يمنى مانادتلي بغنى.. شوفت حاجات كتيرة ظهرت عليك.. وقتها فكرت ان حبيبتك بالأسم دا
جذبها لأحضانه يرجع شعرها المتمرد للخلف وتحدث
ومين قالك إن دا مش أسم حبيبتي
وضعت رأسها على كتفه وتشابكت بأصابعهما وأجابته
كذاب ياحبيبي.. عشان دا دق لواحدة تانية.. ومعرفش العلاقة بينكم وصلت لأيه
رفع ذقنها يحاوط وجهها عندما علم سبب قصها حكايتها فتحدث مؤكدا
غنى دا مش حب.. دي علاقة عابرة.. وبتحصل بين الشباب عادي..
ناظرته بروح مکسورة وليس سوى الصمت
فتسطحت على الفراش وأجابته
عادي يابيجاد.. بس عايزة أعرف كان إيه شعورك لو اكتشفت إن ليا ماضي مثلا زي تاليا كدا
جذبها بقوة وصاح پغضب
غنى المواضيع دي مش للهزار سمعاني.. ميغركيش أن أنا بحبك وبعشقك.. لكن بلاش تستفزي مشاعري
أستدارت توليه بظهرها واردفت
ليه حلال عليك وحرام عليا..ايه يعني ماانت ماضيك مش هتتحاسب عليه فماضيا برضو ماتحسبنيش عليه
غنى صاح بها عندما جذبها وأردف
إياك.. إياك ياغنى تلعبي معايا
بيجاد إنت مكنتش تعبان وعايز تنام.. يلا نام لاني مرهقة زي ماقولتلك.. أنا