رواية تمرد عاشق الجزء الثاني همسات مبعثرة البارت السابع والثامن والعشرون لسيلا وليد
ثم قبل رأسها
وحشتيني أوي ياأمي
بكت نهى بأحضان ابنها وأردفت من بين بكائها
وإنت كمان ياحبيبي.. خرجت من أحضانه تضم وجهه بين راحتيها
عامل إيه.
. رفعت نظرها للربى..وروبي عاملة معاك إيه
اتجه بنظره لزوجته وابتسم ثم رجع لوالدته وأجابها
إحنا كويسين ياست الكل
بينما اتجهت ربى لصهيب تلقي نفسها بأحضانه
عمو صهيب وحشتني أوي أوي..
ضمھا صهيب بحب أبوي
حبيبة عمو انت كمان وحشتيني ياحبيبتي.. ثم اتجهت لنهى
انطي وحشتيني
ابتسمت نهى إليها تضمها بحب ثم همست إليها
هو اللي بيتجوز بيحلو كدا ياروبي
توردت وجنتيها ثم نظر للأسفل وأجابتها
ميرسي ياطنط.. عيونك هي الحلوة
فين جنى وفارس.. هما ميعرفوش إننا جايين ولا إيه
اخرجت زفرة حادة من جوفها ثم
سحبته واجلسته بجوارها وبالجانب الأخر اجلست ربى من الجانب الأخر ونظرت لصهيب وأجابته
جنى لسة نايمة.. كانت سهرانة لصبح.. وفارس راح النادي من شوية
وزع نظراته بين والديه وأردف متسائلا
ايه موضوع جنى وجاسر اللي سمعته من ياسين من شوية دا
نظرت نهى لولدها نظرت الغريق الذي وجد ضالته ثم ضغطت على كفيه وأجابته
باباك شايف إن جاسر أحسن واحد لجنى.. عشان كدا قرر يجوزهم لبعض
كان صهيب يجلس واضعا رأسه بين كفيه.. فمنذ أعلانه بزواج ابنته من جاسر وهي تحبس نفسها بداخل غرفتها ولا تتحدث مع أحدا حتى والدتها
عفوا ياماما مفهمتش كلامك.. يعني إيه بابا شاف جاسر مناسب.. اتجه لوالده الصامت وتسائل
هو إيه الكلام اللي ماما بتقوله دا يابابا
نهض صهيب وأشار لعز بيديه
تعالى ياعز عايز أتكلم معاك شوية
أومأ برأسه بالموافقة.. ونظر لزوجته
روبي اطلعي ارتاحي فوق وأنا هشوف بابا وراجع بعد إذن ماما طبعا
وقفت ربى تنظر لنهى
لا هروح اشوف عمتو مليكة الأول وكمان عمو سيف وحشوني أوي
لا قالها عز بهدوء ممېت ثم امسك كفيها متجها لغرفته
روحي غيري وارتاحي وبعدين نروح لهم مع بعض مينفعش تروحي لوحدك
توقفت ربى تنظر إليه پصدمة ثم تحدثت
جذبها من رسغها دون حديث وصعد لغرفته.. بينما وقفت نهى تنظر لأثرهما بحزن.. جلست على المقعد وتحدث حالها
ياربي حتى عز لسة فكرة جواد مسيطرة عليه.. شكل ولادي هيفضل الۏجع ملازمهم
اقترب صهيب يضمها من أكتافها بعدما جلس بجوارها
نهى متزعليش مني والله انا بحاول احافظ على بنتنا.. مفيش أب بيتمنى الحزن لبنته
ربتت نهى على كفيه وأجابته
عارفة ياصهيب.. لكن البنت صعبانة عليا أوي.. وأنا حاسة جواد بيحبها فعلا.. أنا شوفت دا في عينه..
هيبان حبيبتي بيحبها فعلا ولا كان واخدها مسكن ولعب بمشاعرها
هزت رأسها رافضة حديثه وأكملت
لا مش مسكن أنا شوفت دموعه لما جنى قالت إنها موافقة على جاسر.. دي دموع واحد عاشق.. عشان كدا ياحبيبي لو سمحت بلاش تتسرع وتكسر قلوبهم.
تنهدت بحزن وأكملت
غير جاسر اللي بيحب واحدة تانية.. وانت شوفت دا بعينك يوم ماالبنت انضربت پالنار.. دا كان عامل زي المېت اللي روحه انسحبت منه
ضمت وجه صهيب وتحدثت بإبانة
عمرك شوفت جاسر كدا.. عارف فكرني بمين ياصهيب.. ارجع بالزمن لتلاتين سنة كدا وأفتكر لما غزل اتخطفت وشوف وقتها جواد كان عامل إزاي... أنا شوفت قدامي جواد مش جاسر دا واحد عاشق ياحبيبي بلاش نظلمه ونظلم بنتك.. غير جواد
هزت رأسها وأكملت
عارفة جواد غلط.. يمكن تفكيره صورله انه بيساعد عز وربى.. لكن دا مايقولش إنه بيلعب بجنى
وصل عز وملامح وجهه يكسوها الحزن
ايه موضوع جنى دا يابابا... شوفتها من شوية.. دي جنى يابابا.. دي بنتك اللي كانت كلها حيوية.. أنا شايف دلوقتي واحدة مستسلمة ومش حاسة بحاجة
جثى أمام والديه
مالكم انتوا مخبين إيه.. وليه كل مااتصل بيها ماكنتش بتقول غير كلمة
انا كويسة وعايشة ياعز... ممكن تفهموني ايه اللي حصل لأختي ووصلها لكدا
بغرفة جنى
تقلب بهاتفها على صورهما وبريق يلتمع بعيناها سحبت نفسا عندما رأت تلك الصورة
تلمستها بأناملها
حلو أوي يابن عمي ازاي كنت غبية وضيعت حبي بإيدي
تذكرت ذاك اليوم
دلفت إلى غرفة التنس وجدته يلاعب عز..تحركت إلى توقفت تشاهدهما بجوارها ربى..صفقت ربى بحماس تشجع أخيها
برافووو جاسر..أما هي جلست بصمت هي تعلم تفوق عز بالتنس وتفوق جاسر بكرة الطائرة..بعد فترة انتهت اللعبة توجه جاسر يعانقه
برافو زيزو..ضمھ عز بمحبة وأردف
انت كمان بقيت تتفوق في التنس وشكلك هتفوز المرة الجاية ..ضيق عيناه ثم رفع حاجبه
بتثبتني ياعز اتجه إليها يضربها بخفة على رأسها
مش بتشجعيني ليه يابت ياجوجو
ابتسمت تنظر إلى عز ثم اردفت
مينفعش أشجع حد فيكم انتو الأتنين اخوات
رمقها بسخرية مردفا
خوا ياخدك يابعيدة ماهي ربى بتشجعني اهو..نظرت إلى ربى التي سحبها عز لأحد الأماكن يجلس بجوارها ثم أردفت
عز وربى غيرنا ياجاسورة ثم أشارت بعينها عليهما
دول شكل بينهم كيميا ياحبيبي..اتجه بنظره إليهما ثم أصدر صوتا من فمه قائلا
معتقدتش ربى بتحب اوهام اخوكي المستقبلة
تراجعت بجسدها تعقد ذراعها أمام صدرها وأردفت
بس عز مبيقولش أوهام دي أمنيات ايه يعني لما يحلم يكون له شركة برمجيات خاصة عندك شك في قدرات عز
وضع المنشفة على عنقه وجلس بجواره ثم أجابها بهدوء
عندي ثقة في جواد الألفي أنه مستحيل يوافق على طلب عز
أشار بسبابته وأكمل
بابا مش عايز العيلة تتفركش ولو طايل يجوزنا لبعض هيجوزنا كلنا انا سمعته مرة بيقول لباباكي
لو ينفع اربط العيال ببعضهم طول العمر هعملها بس مقدرش ادخل في حياتهم الخاصة
نظرت إليه بذهول ثم أطلقت رصاصتها
ليه إن شاء الله هي رجالة البلد عشان نفضل طول عمرنا منشوفش غير بعض
رغم أنها اردفت بها بمزاح الا أنها احزنته فاتجه بجسده كاملا
جنى افترضي يعني لو حبيتك بعض قبل أي حاجة أنا بقولك مجرد اقتراح او خيال ..ايه هيكون ردك
ابتسمت وأحتضنت كفيه
هو انت پتكرهني ياجسورة ماانا عارفة إنك بتحبني وانا كمان بحبك
سحب كفيه ولكزها
بت مش دا قصدي انت مش صغيرة ماشاء الله عندك عشرين سنة يعني اد ستنا الغولة..قهقهت عليه ټضرب كفيه ببعضهما ثم صمتت للحظات واتجهت بأنظارها إليه
هو ممكن يتحول احساس حب الأخوية لحب تاني ياجاسر
هز كتفه بعدم معرفته ثم أجابها
ماما كانت بتقول لبابا ياآبيه وال عرفته أنها وهي طفلة كانت بتقوله بابا وهي صغيرة
وضعت رأسها على كتفه
انا مش عايزة اخرب علاقتنا حبيتك أخويتك اوي رفعت رأسها ونظرت لعيناه
مبعرفش أفرق بينك وبين عز صدقني انتوا الاتنين غاليين على قلبي اوي اوي
ابتسم لها وتحدث
عشان من صغرك مرتبطة بينا اكتر مع إن فارس اقربلك في السن مننا
ضيقت عيناها وأردفت
بس فارس دايما بعيد عني علاقته بتقى بنت عمتو اقوى مني تخيل..قالتها بإبتسامة
ضغط على كفيها الذي تحتضن كفيه واسترسل بإبانة
عشان هما الاتنين في عمر بعض متزعليش منه أنت الأكبر المفروض تقربي اكتر
تراجعت بتنهيدة واجابته
بحاول..المهم تعالى قولي ليه قولت كدا من شوية ليكون معجب بجمالي ياجاسورة
دفعها بكفيها ثم توقف
هو فين الجمال دا يابنتي دا أنت والكرنب متختلفوش عن بعض..أشار بعينيه عليها
أنا احبك لا أهبل يوم ماافكر ارتبط هرتبط بلوزة مقشرة مش واحدة
