نادرة وحسن بقلم نونا
علشان تكرهيني كدا
ليه طول الوقت بشوف في عنيكي نظرة شړ و كره ليه
انا اذيتك في ايه
نوال خليتي الكل يحبوكي كل اللي شافك بيحبك كلهم و أمي كانت دايما تقولي خليكي زيها فريش مش كئيبة زيك
مع انها لو فكرت هتعرف اني كئيبة و حزينة بسببها هي لأنها طول الوقت حطاني في مقارنات مع اللي حواليا لازم تكوني احسن من دي و دي و دي
و انا ذنبي إيه
مين قالك اني فريش و مش بزعل و لا بعيط
انا بس مكنتش يحب اخلي الناس يشوفوا الحتة المکسورة جوايا و هفضل كدا لحد ما ربنا ياخدني و ترتاحي
و بعدين انتي اللي بتقارني نفسك
بيا لو انتي مش بتقارني نفسك بيا كنتي قدرتي تطوري من نفسك علشان نفسك
مع ان لو فكرت انتي احسن مني في حاجات كتير اوي
عندك والدتك بتحبك على فكرة و الناس كلهم لما بيجي سيرتها بيذكروها بالخير انتي عارفه انا ادفع عمري كله علشان الناس يذكروا امي بالخير و يدعو لها
لكن هم لما بيجيبوا في سيرتها بيقولوا عليها خطافة رجالة علشان اتجوزت ابويا على جليلة و مهما عملت هتفضل بالنسبة ليا ست الكل هتفضل أعظم أم في الدنيا بالنسبة ليا حتى لو مش فكرها اوي
فجيتي تبصيلي في حياتي
شوفتي فيها بس الجزء الحلو متعرفيش ان فيها برضو حزن و انكسار
لأن سبحان الله كل واحد عنده اربع و عشرين قيراط
بصيت ليا في البيت الصغير و العيلة البسيطة اللي انا و حسن كنا بنحاول نخليها سعيدة و روحتي الله اعلم لمين علشان تعملي ليا سحر
و طلع عندي حق و انتي جايه في نص بيتي و تأذيني
مع ان أنا و الله العظيم لما عرفت انك سقطتي زعلت اوي و الله
امشي يا نوال بالله عليكي امشي و على فكرة انا مقولتش لحد منهم
بس سبيني في حالي سبيني في حالي علشان أنا دلوقتي مسئولة عن طفلين بالله عليكي
نوال بحزنانا جايه و عايزاك تسامحيني
انا عارفه اني غلطت في حقك بس انا عملت كدا لان كنت حاسه بالنقص من جوايا
و فجأة حياتي انا اللي اتقلبت و أطلقت انا و ماجد و موقوفه عن شغلي و...
سابتها و دخلت اوضتها و قفلت الباب وراها
الساعة تلاته الصبح
في شقة وجدي
سمارة كانت قاعدة جانب وجدي اللي بيشرب و باين انه سکړان و مش في وعيه
وجدي بعتابمش ناوية تحني بقا يا سمارة دا انتي منشفه ريقي و مدوخني عليكي من يوم ما شوفتك
سمارة بخبث و دلال
يا حبيبي انا قلتلك انا ماليش في الشمال انا يمين....
وجدي بسكرو انا موافق بس ترضى عني بقا انا تعبت وانا بجري وراكي
سمارةطب ما انا راضيه و الدليل على كدا اني جيت معاك الشقة دي بس الصراحه مكنتش اعرف انك عندك شقة كبيرة كدا
وجديانتي لسه متعرفنيش كويس يا سوسو.... انا عندي اللي يعيشك ملكة بس الشقة دي بالذات غاليه عليا اوي و مش بجيب فيها أي حد و السلام و بعدين انا مشيت الحرس علشان نكون على راحتنا.
لأن من اول ما شوفتك في الكباري و انا هتجنن
سمارة ضحكت بدلال
طب اشرب يا حبيبي.....
بعد حوالي نص ساعة
سمارة اتاكدت أنه نام من كتر الكحولات اللي شربها قامت ببطي اتسحبت و اخدت ميداليه المفاتيح بتاعته
و راحت ناحية أوضة المكتب المقفولة بكذا مفتاح
دخلت الاوضة و هي خاېفة قفلت الباب وراها و طلعت موبايلها تنور بيه
قعدت على المكتب و بدأت تفتح الإدراج بتدور على اي حاجة لحد ما لقيت لاب توب ادامها
كلمت مينا اللي كان واقف بالعربية قريب من العمارة اللي فيها الشقة بالاتفاق ما بينهم
سمارة بهمس
ايوة يا استاذ مينا انا ملقتش و لا ورقه بس فيه كومبيوتر هنا بس مش عارفة افتح الرقم السري بتاعه
مينا بسرعة
بصي يا سمارة الفلاشة اللي انا ادتهالها حطيها في الجهاز و هيتفتح بعدها تلقائي هي فيها برنامج يقدر يشفر الباسورد
سمارة بتوترحاضر حاضر
عملت زي ما بيقولها خطوة خطوة و نقلت المعلومات اللي على اللاب توب لفلاشة معها
ميناسمارة اخرجي من عندك و انا و عامر تحت انزلي
