قطة في عالم الذئاب لفاطمة الألفي
حقق هدفه .السباق يكون بكر
تمام اتفقنا
ذهب ليث إلى ورشة حمدى وعندما وصل لهناك التقى بالاسطى حمدي رحب به الاخير ..
ثم طلب ليث من فيدرة تزويد سرعة السياره عن ذي قبل لكي يخوض ذلك السباق الذي تراهن عليه هو وصديقه .
نظرت له فيدرة پصدمة....
الفصل الخامس
قطة فى عالم الذئاب
داخل الورشة
اقترب منها بابتسامه وهو يهمس بهدوء فيدرة عايزك تظبطيلى العربية وتزودى السرعة اكتر من المرة إللى فاتت
زفر بضيق ثم قال اعمليها أنتى ومالكيش دعوة انا بعرف أسيطر على عربيتى أنا واد مسيطر
هزت راسها بأسي .أحنا مش بنهزر دة جد فعلا ماينفعش قول حاجة ياعمي حمدى
تحدث حمدي بجدي وهو ينظر لليث .بص يا باشا أنت كنت مظبط سرعة العربية من كام يوم
يبقي ماينفعش تزود السرعة غير على الاقل بعد أسبوع ولا عشر أيام كدة هيكون غلط عليك وعلى العربية لقدر الله تتقلب بيك وإحنا يابنى مش نقدر نضر حد دي أمانة المهنة ماينفعش اغشك عشان فلوس ولا كلام فارغ دي حياتك يابنى مش لعبة
ليث باصرار .بس انا عندى سباق ضرورى ولازم اعملها
ليث بتحدي .مش برجع فى كلمتي ودة آخر كلام عندكم
حمدى برجاء .بلاش يابنى صدقني كدة بتحط روحك فى التهلكة
.أنت حر بس روح لحد غيرنا يعمل إللى انت عاوزة بس نصيحة بلاش هتندم
وتركهم وغادر الورشة بضيق ثم استقل بسيارتة يقودها الي مكان اخر وهو مصمم على تزويد السرعة بأى ثمن مهما كلفة الأمر لن ينهزم ويخسر الرهان ...
وذهب إلى ورشة ميكانيكا فى منطقة أخرى وظل حتى زود الاسطى السرعة ثم اعطاه المبلغ المطلوب وقاد سيارتة للعودة إلى منزله والاستعداد غدا للسباق مع صديقة وفجاة أنحرفت السيارة ولا يستطيع السيطرة عليها فقد زادت السرعة عن الحد المطلوب وفقد السيطرة والتحكم بالقياده لتنحرف السياره عن الطريق لتدور حول نفسها عده مرات ويحدث انقلاب مروع ....
كان فادى يتابع عملة فى صمت تام ليتفاجئ بصديقه يقتحم غرفه مكتبه وهو يرمقه بنظرات غاضبه
ثم همس وهو يقترب من مكتبه ليجلس امامه بالمقعد المقابل له
.قولت إجى أشوفك بنفسي مختفي فين ولا بتسأل عني .. وبتتهرب مني ومنفضلي خالص حتي الفون مابتردش عليه .
_ داخل كدة زى القطر خد نفسك الاول وبعدين نتكلم قولي تشرب أية
مخڼوق يا أوس اوي ومدايق من كل حاجه
نظر له باهتمام وهو يتسأل بقلق مالك يا بني بجد .أوع تقولي ان الموضوع في بنت .
ضحك فادي وهز راسه نافيا هههههه مش لدرجادى
لاحت ابتسامه جانبيه اعلي ثغزه ثم همس بحزن
.لا من ناحيه بنت الحكاية فيها بنتين كمان
رمقه صديقه بنظرات غامضه ثم همس بمشاكسه بنتين يامفتري لية كازنوفا طب سبلي واحده ههه
الموضوع مش زى ماانت فاكر هم بان يقص عليه كل شيء متعلق بشقيقاته ولكن قطع ذلك الحديث عندما صدح رنين هاتف أوس اخرج هاتفه من جيب سترته ثم نظر لشاشته وعاد ينظر لصديقه
.أستنى أشوف ليث هو كمان بيتصل ليه
عندما أجاب علي شقيقه اتسعت عيناه پصدمه فلم يجد المتحدث سوا شخصا اخر
ليهتف اوس بقلق مين اللي بيتكلم وفين ليث ٠
علي الجانب الاخر هتف الشاب
.حضرتك صاحب الموبابل عمل حاډثة على الدائرى وانا بكلمك من مستشفى الرحمة
ردد پصدمه وجحظت عيناه بقوه وهو يهتف بهلع .حاډثة . و أخويا جراله أية أرجوك طمني
.انا مش عارف حالتة أنا جبتة المستشفى والدكاترة بيفحصو انا شوفت رقمك وكان مكتوب اخويا اوس اتصلت عليك
نهض واس وسار بخطوات واسعه اشبه بالركض .انا جاى حالا
لحق به فادى وهو يهتف بقلق .ليث ماله وحاډثه ايه فهمني يا أوس
همس بصوت مبحوح ونظر لصديقه بتوهان مش عارف يا فادي ايه اللي حصل تعالى معايا نشوف فى
اية
.طب اهدي انا هسوق بلاش تسوق فى حالتك دى
صړخ بصوت جلي وهو يستقل بسياره صديقه بسرعة يا فادى
جلس فادي خلف محرك القياده وانطلق في طريقه الي المشفي وأوس بجانبة يشعر بالقلق والحزن والضياع لا يعلم ماذا أصاب شقيقة..
وبعد مرور عده دقائق كان يصف سيارته امام المشفى ترجل اوس علي الفور ودلف لداخل المشفي يتسأل عن حاله شقيقه ليجد الشاب الذي هاتفه واخبره بما حدث .
تقدم اليه الشاب عندما وقعت انظاره عليه . حضرتك أخوه انا إللى كلمتك فى الفون
اومي براسه وهو يهتف بقلق .حد طلع من الدكاترة عرفت حاجه
.لا والله ماحدش خرج لسه
نظر له بامتنان .شكرا انك جبت اخويا
ربت الشاب علي كتفه مواسايا له .لا شكر على واجب أى حد مكانى كان عمل
