مملكة الطوبجي من الأول لسادس عشر لأميرة اسامة
من المبلغ اللي بياخدوا ولما يجوا هنا طبعا هيكون تحت ايدهم موظفين ومهندسين وفنيين اكيد هيقدروا يستفيدوا منهم ويفهموا شغل المكن الجديد وأفران التصنيع اللي هنستوردها وبكده بعد فتره ممكن نستغنى عنهم لأننا مش هنبقى محتاجينهم.
ياسين...براڤو عليك يا زيد أنا عن نفسي متحمس جدا للشغل ده.
راجح....يبقى على ي بركه الله.
انا كده خلصت في حد عنده اي استفسار او سؤال
حاجه هنستناها زي إنجلترا.
زيد...لا إنجلترا أحنا لسه مستنين الموافقه لكن بخصوص مشاريع الإمارات وتركيا خلال أسبوع لازم المشاريع تبدأ تتنفذ على ارض الواقع.
داوود....مين اللي هيسافر يا زيد
زيد....تركيا أكيد نادر أما الإمارات هيكون أيمن وقاسم هما اللي هيسلكوا هناك
قاسم.....ان شاء الله يا باشا كله هيخلص زي ما حضرتك عايز
نادر....متقلقش يا باشا ان شاء الله هخلص و هرجع بسرعه
راجح....براڤو يا زيد عمرك ما خيبت ظني.
زيد....تربيتك يا باشا
في الوقت ده دخلت عليهم السكرتيره.
مها....أسفه يا أفندم بس في آنسه بره بتقول انها عندها أنترڤيو أسمها ملك عبد الرحمن
ياسين...بصوت واطي يادي النيله
راجح...اه انسه ملك طيب دخليها تستني في مكتب مستر ياسين
بصله ياسين وهو رافع حاجبه
مها....تمام يا أفندم بعد أذن حضرتك.
خرجت مها وقفلت وراها.
ياسين...بردو يا باشا ماقولنا اني مش عايز حد معايا.
ياسين....بقله حيله كله إلا زعل روح ماشي ياباشا تحت أمرك.
راجح....زيد بقولك ايه تروح مع ياسين وتفضل معاه.
ياسين...على اساس اني مش هعرف اعملها الانترڤيو يا باشا
راجح....لا على اساس اني حافظ ابني كويس وعارف انه قفل وجد شويتين تلاته والبنت اكيد مش هتقدر علي رختمتك.
زيد....بضحك ما أنت اللي مسوأ سمعتك
ياسين...طيب يلا يا اخويا خلينا نخلص من الإنترڤيو ده عشان تقيل على قلبي.
راجح....يلا انتوا كمان اتكلوا على الله روحوا مكاتبكم.
بعد وقت بسيط راح الكل على مكاتبهم وراح زيد مع ياسين على مكتبه عشان يقابلوا ملك.
.............
في قصر الطوبجي..
خرجت زهره على جنينه القصر ماسكه في أيدها مج نسكافيه
لمحت صبا من بعيد راحت عليها.
صبا كانت قاعده شارده وملامحها حزينه.
زهره...بأبتسامه مشرقه كعادتها الجميل قاعد لوحده ليه.
صبا....بأبتسامه بسيطه ولا حاجه
قعدت زهره جمبها عليا بردوا يا ست صبا.
صبا....هيكون في ايه يعني انا لقيت الجو حلو جيت اقعد شويه
زهره....مالك يا صبا حساكي مش مظبوطه أينعم يعني انا ديما شيفاكي مش مبسوطه بس اليومين اللي فاتوا دول بالذات ديما حزينه و سرحانه فيكي أيه يا حبيبتي.
صبا....صدقيني مفيش حاجه يا زهره
زهره....بتخبي عليا يا صبا عايزه تقنعيني أنك كده علي طبيعتك.
قوليلي أنتي متخا نقه مع أيمن
سكتت صبا وشردت ثواني.
أيمن....عشان خاطري يا صبا سامحيني.
صبا...بدموع كل مره نفس الطريقه ونفس الكلمه سامحيني وللأسف طريقتك مش بتتغير
أيمن...هتغير يا صبا هتغير والله هتغير.
صبا...بو جع وهي مڼهاره مبقتش قادره أصدقك يا أيمن ولا بقيت قادره استحمل الوضع اللي احنا فيه ده حرام عليك بقي أرحمني
أنا أستحملت اللي مفيش واحده تستحمله ابدا لا أنت بتتغير ولا بتسمع الكلام يا أخي ده لو مش عشانك يبقي عشاني.
أيمن....أرجوكي وطي صوتك بلاش حد يسمع هتغير يا صبا بس أرجوكي خليكي معايا متسبنيش يا صبا انا بحبك.
زهره....صبا صبا
صبا....هاااا.
زهره...هو ايه اللي هااا روحتي فين بكلمك فيكي ايه متقلقنيش عليكي .
صبا....صدقيني مفيش يا زهره وأيمن مش مزعلني ولا حاجه عادي يعني مشاكل بسيطه وعاديه
زهره....حبيبتي كلنا بيحصل معانا كده بس أيمن بيحبك وأنتي كمان بتحبيه وأدام بنحب من قلبنا بجد يا صبا يبقى لازم نعدي للي بنحبهم.
صبا...بأبتسامه و جع حاولت تجاري زهره في الكلام لأنها متعرفش حاجه عندك حق يا زهره
زهره....طيب اضحكي بقى متبقيش رخمه مبحبش أشوفك كده.
صبا...ربنا ما يحرمني منك أبدا يا زهره.
زهره....ولا يحرمني منك يا حبيبتي عارفه يا صبا
يمكن ربنا مرزقنيش بأخوات ولا اصحاب بس من يوم ما دخلت القصره ده وأتجوزت قاسم وأنا بعتبرك أختي وصحبتي وكل حاجه رغم اني لما دخلت البيت ده انتي كنتي صغيره عني بكتير بس ربنا عالم غلاوتك في قلبي حتي روح مش بعتبرها حماتي انا بحسها أختي الكبيره.
صبا....انتي عايزه تكبري نفسك ولا أيه ولو على روح فا روح دي جميله أوي تحسيها القلب الكبير اللي محاوط كل العيله دي بكل حب وحنان انا كمان لا بعتبرها حماتي ولا بعتبرها مرات خالي انا بحسها أمي بجد
