مملكة الطوبجي من الأول لسادس عشر لأميرة اسامة

اخطبها وأتجوزها.
مراد....وتتجوزها مره واحده كده خبط لزق.
أمير...ولا خبط لزق ولا حاجه في الاول بس خطوبه وحوار الجواز ده بقى في الأتفاق هي عيد ميلادها انهارده عامله حفله بسيطه في الڤيلا بتاعتهم عشان كده عايزك تيجي معايا.
مراد....ماشي يا سيدي.
بص أمير عالطريق ورجع
بصله
مراد هو انا ليه حاسس انك مش مبسوط على حد علمي يعني اني ابنك
مراد...بإبتسامه ومين قال اني مش مبسوط
أمير...بص
في المرايه اللي قدامك هتعرف على طول.
مراد...بصراحه
أمير....ياريت
مراد....انا كنت متوقع انك تلعب وتتنطط وتعيش حياتك بس لما تحب تاخد خطوه زي دي تكون مع فرح.
أمير...فرح فرح بنت عمي
مراد...هو في فرح غيرها
أمير.....أيوه بس فرح ايه يا مراد انت دماغك راحت فين بس
مراد....ومالها فرح مش فاهم
أمير....ملهاش زي الفل بس متنفعش يا مراد.
مراد....و ايه اللي منفعهوش يا أبن مراد وحش ه ولا وحش ه
أمير....ايه القلبه دي وبعدين يا سيدي فرح زي الفل متفهمنيش غلط بس كل الحكايه ان فرح دي أختي.
مراد....لأ فرح مش اختك يا أمير
أمير....اه بنت عمي
مراد....اظبط يالا بدل ما أديك قلم على وشك هو انا بسألك على صله القرابه بينكم
أمير....ما تهدى كده يا باشا قولي بس ايه فرح ألف واحد يتمناها بس هي بجد زي اختي متربين سوا من صغرنا يعني مستحيل اشوفها غير اختي
مراد...غريبه بس هي ليه شيفاك حبيبها مثلا
أمير...حبيب مين ايه الكلام الغريب ده يا مراد انت تعبان
مراد...على فكره انا مش بهزر
بصله امير وحس انه فعلا بيتكلم جد ملامحه ونبره صوته لا تحمل النقاش او التهريج.
أمير....واضح انك فعلا مش بتهزر بس انا حاسس ان الكلام ده مش صح
مراد...فرح بتحبك يا أمير ومش من مده بسيطه من زمان المش كله انك عامل نفسك مق طع السمكه و ديلها ازاي مقدرتش تحس انها بتحبك بس
أمير....مراد متكبرش الحوار مفيش اللي انت بتقول عليه ده وزي ما انت قولت انا مق طع السمكه وديلها يعني لو كان في حاجه كنت حسيت دي في وشي على طول أزاي محسش
مراد....عشان حم ار
أمير...
مراد...أيوه حم ار محستش بابتسامتها لما بتشوفك محستش بنبره صوتها اللي بتتغير في ثانيه اول ما تتكلم معاك محستش بلهفتها عليك بلاش دي مستغربتش انها طلبت منك تعلمها السواقه
أمير....ودي فيها ايه دي كمان ما انا جيت قولتلك انها طلبت مني عشان عمي يجبلها العربيه اللي نفسها فيها.
مراد...مش بقولك حم ار هو انت ناسي ان فرح بتعرف تسوق
أمير....فرح
مراد....اه فرح مش فاكر لما خدتكم قبل كده كام مشوار وكنت بخليها تسوق وفي مره كانت مع جلال وتعب وفضل يرجع ومكانش قادر يسوق ساقت هي بداله.
أمير...أيوه صح أفتكرت هو بقاله حوالي سنتين الحوار ده بس هي ليه كدبت عليا مش يمكن نسيت السواقه اصلا
مراد...السواقه مبتتنسيش يا أمير بس واضح ان انت اللي ناسي حاجات كتير اوي فرح عملت كده عشان تبقى جمبك اكبر وقت ممكن يمكن الحم ار يفهم
أمير....بارتباك ايوه بس يعني حتى لو اللي بتقوله ده صح فرح بالنسبالي مش اكتر من اختي يا مراد مش هقدر
مراد....وانا مش بضغط عليك على فكره انت تقدر تعمل اللي انت عايزه بس لو هتكلم على فرح فا انا شايف ان هي اكتر حد يناسبك لانها بتحبك من قلبها يا امير و لأني مش عايز اشوفها موج عة
أمير....بحزن طيب وهو انت عايزني ارضيها وافرحها وانا مبحبهاش
مراد...ولا دي هرضاها على بنت اخويا لو مش شايف في عينك حبك ليها اضعاف ما هي بتحبك مش هوافق انت اه ابني بس هي كمان بنت اخويا و شايله اسمي وكرامتها من كرامتي عموما اللي انت عايزه اعمله يا امير انا عمري ما هقف قدام سعادتك
كمل امير الطريق وهو سرحان في كلام مراد مستغرب ان فرح بتحبه صعبانه عليه لكن كمان قلبه مش ملكه
.............. 
وصل راجح ومعاه زيد الفيلا عند ليلى بعد ما كلم داوود وقاله انهم لسه ماشين من المستشفى.
فتحت الشغاله الباب واستقبلهم داوود وليلى.
ليلى...نورت يا راجح باشا
راجح...بنورك يا ليلى
ليلى....تحب تشرب ايه
راجح...ولا اي حاجه.
داوود....راجح بيشرب قهوه هو وزيد
راجح....مش عايز حاجه يا داوود انا بس كنت عايز ليلى في كلمتين ياريت تسيبني انت وزيد معاها
بص داوود لزيد وبعدين بص ل ليلى.
زيد...اا طيب يا باشا احنا هنخرج في الجنينه شويه لحد ما تخلصوا كلام يلا يا داوود
بص داوود ل ليلى تاني
راجح....يلا يا داوود
هز داوود راسه وخرج مع زيد وهو متوتر.
داوود...في ايه يا زيد انا مش فاهم حاجه.
زيد...مالك قلقان كده ليه هيتكلم معاها عادي اطمن.
داوود...اخر مره أتكلم معاها أتفرقنا
بعدها 15 سنه يا زيد
زيد....احنا ولاد انهارده يا داوود
داوود...ربنا يستر
زيد...اطمن الباشا جاي وكله أمل انه يقدر يغير اللي حصل زمان.
داوود...تفتكر ليلى
هتسمعه
زيد...هتسمعه عشان هي محتجالك يا داوود
داوود...انت متعرفش ليلى ولو على الاحتياج ما هي طول عمرها محتجاني بس مقدرتش تيجي على كرامتها
زيد....كلنا بنتغير مع الوقت يا داوود واللي رفضناه زمان عشان كرامتنا مع مرور العمر بنقدر نقدم تنازل.
داوود....أتمنى ده من كل قلبي لأني تعبت
زيد...هترتاح