السادس عشر مملكة الطوبجي لأميرة اسامة

جنبه وخدت المفتاح وخرجت بهدوء وهي بتبص حواليها بخ وف
مريم...انا خرجت متقفلوش
سالم...متخ افيش احنا معاكي .
مشيت مريم بهدوء وكل ثانيه تتلفت وراها خدت حوالي عشر دقايق لحد ما خرجت بره الزرع وبقت في الشارع.
مريم....انا خرجت على الشارع
روح...طيب براڤو عليكي يلا شوفي صيدليه بسرعه.
مريم...حاضر حاضر لحظه لمحت ناس واقفين كتير راحت عليهم وبدأت تسألهم بالتركي عن مكان صيدليه.

فرح...هي بتقول ايه
سالم....بتسأل على صيدليه
جنه...بإبتسامه انت بتعرف تركي يا سالم.
سالم...بغمزه يعني على قد حالي
روح....هو ده وقتك
سالم...ما تسكتي يا جنه مش وقته
مريم كانت بتنهج جامد وواضح انها بتمد بسرعه او بتجري لحد ما لقت صيدليه دخلت بسرعه وبدأت تتكلم مع الصيدلي وتطلب منه علاج للسخونيه وطلبت منه مضاد للچروح وغيار ومطهر.
وبعد وقت بسيط جابلها كل حاجه طلبتها اديته الكرديت و كتبت الباس وورد وبعد كده خدت العلاج وخرجت
مريم...بفرحه yeeeees
روح...في ايه
مريم...جبت كل حاجه خلاص
روح...طيب يلا بقى روحيله بسرعه ارجوكي
مريم...طيب طيب انا ماشيه اهو 
جريت مريم وهي مش قادره وحاسه بتعب جامد في كل جسمها و رقبتها اللي محطوطه في الحامل بس كانت بتتحامل على نفسها خاي فه يجرالها حاجه وهي لوحدها.
زهره....مريم براحه يا حبيبتي واحده واحده.
مريم....انا قربت خلاص خليكم معايا بقى عشان داخله على الغابه دي تاني.
سالم....احنا معاكي
فضلت ماشيه وهي مرع وبه وبدأت تمد بسرعه لحد ما اخيرا وصلت فتحت الباب وأول ما فتحت ص رخت
وقع قلبهم من الرع ب
سالم...مريم في ايه
روح....في ايه.
نادر....بتعب انتي كنتي فين
مريم...باڼهيار ودموع حرام عليك خضتني 
روح...نادر حبيبي طمني عليك.
مريم...بدموع كلم مامتك معايا في التليفون
نادر...باستغراب روح خد منها الموبايل وكلمها ايوه ياروح
روح....ياشيخ حرام عليك انا هيجرالي حاجه لحد ما اشوفك هنا قدامي.
نادر....انا بخير يا حبيبتي بس في ايه
سالم...نادر انت كويس يا حبيبي
نادر...بتعب انا كويس ياحبيبي بس مش فاهم حاجه.
مريم...بدموع انت كنت سخن اوي وهما معايا على الموبايل عشان يقولولي اعمل ايه وخرجت جبتلك علاج من الصيدليه وغيار ومطهر للچروح دي
نادر...خرجتي لوحدك من هنا ازاي
روح....احنا كنا معاها مسبنهاش يا حبيبي المهم انت الوقت يلا خد العلاج عشان خاطري متوج عش قلبي
نادر....جبتي فلوس منين
مريم...انا خدت الكرديت بتاعتك
سالم...انا قولتلها الباس وورد عشان تعرف تتصرف
ابتسم نادر بتعب طيب اهدي خلاص معلش انا قومت ملاقتكيش ولسه هفتح انادي عليكي لقيتك قدامي.
زهره....نادر غير على الچرح بسرعه عشان ميتلوثش هو اللي عملك السخونيه دي
روح...خد شاور يا نادر عشان الحراره تنزل اسرع
نادر...حاضر حاضر يا حبيبتي متقلقيش خلاص.
روح....وقول للمجنونه اللي معاك دي شكرا
نادر...بضحك حاضر يا حبيبتي يلا سلام
روح...سلام هبقى اكلمك تاني تطمني عليك
نادر....حاضر يا حبيبتي يلا سلام
روح...سلام يا حبيبي.
قفل نادر وبص لمريم انتي كويسه
مريم...بدموع لأ مش كويسه انت رع بتني و مامتك و ترتني وانا خرجت في الغابه لوحدي اكيد مش كويسه
نادر....بإبتسامه طيب خلاص أهدي انا اسف والله بس براڤو عليكي عرفتي تتصرفي
مريم...بجد والنبي
نادر...بجد والنبي
مريم...بتضحك يلا خد العلاج وتعالى غير لنفسك انا مستحيل اغير على الچروح دي
نادر...لا خلاص انا هتصرف كفايه عليكي كده انهارده.
مريم...مسكت شنطه الاكل كانت جعانه وبعدين بصتله
نادر...في ايه
مريم...ايه اللي انت جايبه ده جايب حجات ملهاش علاقه ببعض جايب توست وبرجر ونوتيلا طيب هنعمل البرجر ده ازاي
نادر....مكنتش عارف بجيب ايه والله عموما هنصبر نفسنا بالنوتيلا لحد الصبح ماشي
مريم...طيب

عدى الوقت بسرعه الكل مشي من الشركه وفضل زيد لوحده بيفكر في اللي حصل من كام ساعه و بيحاول يلاقي تفسير
واخر ما تعب قرر يقوم يمشي و الصبح يتصرف بص في الساعه لقاها عشره ونص عرف وقتها أن الوقت سرقه وقام على طول