الثالث مملكة الطوبجي
انت في الصفحة 1 من 8 صفحات
البارت الثالث..
ملحمة
مملكة_الطوبجي
اميرة_اسامة
صاحبة_البطل_الواحد
بعد يوم شاق ومتعب رجع الشباب
كلهم الى القصر.
سالم....مساء الفل على أحلى روح في الدنيا.
روح...مساء السكر على أحلى بكاش في الدنيا.
سالم....والله ما بكش انتي مش عارفه أنك أحلى ست في الدنيا.
روح...بحب أنا حلوه عشان انتوا حواليا يا حبيبي.
قاسم....بحب باس راسها اخبارك ايه يا حبيبتي.
قرب باقي ولادها سلموا عليها بحب.
و قرب قاسم من زهره من خدها وحضن جنه.
جنه...وحشتني أوي يا بابي اتأخرتوا ليه انهارده.
قاسم...اتأخرنا ايه بس دي الساعه لسه 8 كويس اننا خلصنا بسرعه كان في شغل كتير.
جنه....بردو إتأخرت ده جدو راجع من ساعتين.
زهره....حمد الله على سلامتك وكملت بصوت هامس وحشتني
قاسم...بحب انتي وحشتيني اكتر قولولي بقى عاملين أكل ايه انا واقع من الجوع.
ياسين....اه والنبي يا روح انا كمان مش قادر.
روح....اطلعوا طيب غيروا هدومكم يكون الاكل خلص.
يوسف ...اكل أيه يا طفس انت أحنا مش أتفقنا نرجع نغير وبعدين نروح نسهر.
روح...أيه ده انتوا خارجين
سالم....أه يا حبيبتي هنسهر بره انهارده هريحك من العيال دي عشان يخلالك الجو مع الباشا يا قمر.
روح...بأبتسامه اتربى يا ولد وبعدين مين قالك اني عايزه أرتاح منكم انا مببقاش مبسوطه غير وانتوا حواليا متجمعين
يوسف....معلش بقى سماح يا روح
سالم....انا ويوسف وياسين وامير وجلال ونادر طبعا قاسم وأيمن دول المحترمين اللي دخلوا القفص برجلهم وداوود مش راضي يجي معانا.
داوود...ملكش دعوه بداوود انا خلصان مليش في خروجاتكم دي يا صيع
زهره....بضحك طيب يارب يا سي سالم أشوفك انت وهما داخلين القفص برجلكم و بتقولوا ياريت اللي جري ما كان.
نادر...بضحك مين ده احنا
ياسين....والله أك سر القفص من الوقت.
يوسف....هو في أحلى من العذوبيه جواز أيه و بتاع ايه انا عارف عملوا في نفسهم كده ليه.
زهره....وماله الجواز يا سي يوسف انت كمان.
قاسم...بضحك سيبك منه يا قلبي بكره لما يقع وقلبه يطب ويلاقي حد زيك يقول ياريتني اتجوزت من زمان هو وباقي الصيع على رأي داوود.
زهره....بأبتسامه ضحك عليا بكلمتين
روح....أفضلو ناقروا في بعض كده يعني من الاخر كده هتتعشوا بره.
قاسم....انا قاعد معاكي يا حبيبتي
داوود....وانا كمان مش خارج.
أيمن....ولا انا يا حبيبتي
روح....طيب وانت يا حبيبي خارج مع الفشله دول ولا قاعد.
زيد...بأبتسامه انا لا خارج مع الفشله دول ولا قاعد معلش يا حبيبتي انا هقابل منذر بعد شويه اتفق معايا اننا نتقابل عشان مشفتهوش من ساعت ما سافرت
نادر....ياعم ما تكبر لمنذر انهارده واخرج معانا.
زيد....اخرج معاكم فين يالا مليش انا في خروجاتكم دي.
سالم....سيبك منه هو اللي خسران يلا انا طالع اخد شاور و هلبس انجزوا.
روح....ياسين راجح قاللي ان ملك جات عملت معاها أيه.
ياسين....يعني قالك يا روح انها جات ومقالكيش عملت ايه
روح....عايزه اسمع منك عشان بصراحه بقلق منك شويه
ياسين.....لا ياستي اطمني عملت معاها الأنترڤيو و هتستلم الشغل من بكره.
روح....ماشي يا حبيبي ربنا ما يحرمني منك بصراحه كنت خا يفه تكسفني.
ياسين...بحب ما عاش ولا كان اللي يكسف روح هانم أطمني يا حبيبتي.
روح....ربنا يخليك ليا
طلعوا عشان يغيروا كلهم وراء سالم
قربت روح من زيد واتكلمت معاه بصوت واطي
روح....زيد يا حبيبي مقابلتك لمنذر دي بخصوص فيروز بصراحه انا مش عيزاك تتكلم معاه في حاجه يا حبيبي
