السادس تمرد عاشقة لياسمين الهجرسي

الحلقه السادسه 
تمرد_عاشقه_ج 
فيروز_حطمت_حصون_قلب_القاسى_ج
بقلم ياسمين_الهجرسي
فيلا العائلة
دخلت بابتسامة مشرقة تخفي حزنها ورائها واقتربت من جدتها وقبلت يدها بحب واحترام وفعلت كذلك مع الجد الكبير وجلست معهم ودار بينهم حديث شيق وخرجت علا وسلوى وهالة يستقبلنها في حب واشتياق تحدثت
علا بسعادة
وحشتيني يا غالية. وقفت تدور حول نفسها مثل الفراشة وقالت بحب وهي تمسك جانب فساتنها بيديها الاثنتين

إيه رأيك في الدريس ده أنا بعشق مصممة الأزياء دي مبقتش بعرف ألبس إلا من تصميماتها. وغمزت لسلوى ولا إيه يا أختشي.
ضحكت فيروز على أسلوب علا الساخر فكانت تغمرها السعادة عندما ترى تصاميمها عليهم وربعت يديها أمام صدرها وقالت
أنا أعرفها معرفة شخصية لو تحبي أعرفك عليها.
تقدمت منها سلوى وحضنتها
وإحنا شرف لينا إنك وحدة مننا ربنا يسعدك تصميماتك تحفة يا فيروز.
تحدثت هالة
ما شاء الله ربنا يباركلك في المجموعة الأخيرة خلت الست المحجبة شيك وببساطة الألوان رائعة.
تكلمت الحاجة سيدة
أنتوا هتفضلوا واقفين تتكلموا والرجالة منتظرة الأكل يلا بسرعة ساعديهم وأنا عملت البوكس لعمير عشان فيروز تاخده زي كل أسبوع. وأشارت إلى فيروز
تعالي يا قلب أمك معايا.
أومأت فيروز لها برأسها وذهبت اليها ودخلت معها غرفتها ومسحت على ظهرها ونظرت إلى عيونها المليئة بالحزن
مالك يا قلب أمك ليه معيطة عمير كويس معاكي وأنتم كويسين مع بعض 
ارتبكت فيروز وظهر عليها التوتر الذي يؤكد لحماتها أن هناك أمرا كبيرا بينهما وقالت بتلعثم وارتمت في أحضانها
تعبت يا أمي عمير مش راضي ينسى الماضي ومصر يحملني مسؤولية اللي حصل أنا تعبت وأنا قلبي بيتقطع عشانه عمير اتغير يا أمي فوق ما تتخيلي لدرجه أنه اضعفني 
 اللي ابني شافه مش شوية أنا أكثر واحدة حاسة بيه وعارفة إنه بيعاقب نفسه بحرمانه من أسرته وأنا بالأخص وأنا رضيت بعقابه وحرمانه لأني رضيت أقف أتفرج لحد ما اكتشف خيانتها بنفسه اصبري يا حبيبتي كلنا تعبانين عمك اللي بيصحى بالعافية يصلي وبيدعي ربنا عشان يحنن قلب عمير علينا ويوسف اللي مكسور من جواه عشان أخوه وجدك اللي عاجز وكبر عشرين سنة بسبب بعد عمير عنه اصبري وأنا عارفة مهما طال الزمان ابني ربنا هيرده لينا صلي وادعي ربنا وإن شاء الله خير.
اومأت لها 
إن شاء الله يا أمي خير بس أنا حرفيا جبت أخري ادعيلي ربنا يصبرني عليه وقبلتها من يديها ادعيله يا أمي.
وابتسمت بۏجع وخيبه أمل
بعد إذنك أروح أساعد البنات.
وتركتها وغادرت الجناح والحاجة سيدة تناجي ربها أن يصلح حالهم.
قابلت فيروز علا بسعادة وهي ذاهبة إلى والداتها تناولها الدواء نظرت فيروز إلى الأدوية في يديها وتحدثت
رايحة لطنط صح خديني معاكي أسلم عليها.
وسارت معها يتحدثن عن حالة والدة علا
طنط عاملة