رواية تمرد عاشق الجزء الثاني همسات مبعثرة لسيلا وليدة لسيلا وليد

البارت الثاني همسات مبعثرة
بسم الله الرحمن الرحيم
اللهم صل وسلم وبارك على سيدنا ونبينا وحبيبنا محمد صلى الله عليه وسلم
أعدكي
أن لن أقرأ إلا هتاف أحرفكي
ولن أشتاق إلا لعطركي
ولن يكون ملهمي إلا أنتي
بعد فترة كان الجميع يقف أمام غرفة العمليات ينتظر خروجها استند على الحائط بجواره صهيب 
ان شاء الله هتجيب بنت زي القمر وولد وهنلعب معاهم ويبقى عندنا ولاد كتير مش كدا ولا ايه 

كان يطالع صهيب بصمت ولم يقو على الحديث 
خرجت الطبيبة اسرع إليها
غزل عاملة ايه يادكتورة ابتسمت واجابته بعملية 
مبروك ياحضرة الضابط بنت وولد زي الأولين..اتجه بنظره إليها وهم يخرجونها على السرير المتنقل تحرك خلفها بعدما شكر الطبيبة جلس بجوارها ثم انحنى يطبع قبلة على جبينها
حمد الله على سلامتك ياغزالتي
ابتسمت له ثم اردفت بصوت هزيل
شوفت الولاد ياجواد 
أفلت ضحكة من بين شفتيه وهو يمسد على خصلاتها 
صهيب معاهم هيجبهم انا قولت اطمن على بنتي الكبيرة الأول 
أطبقت على جفنيها وابتسامة شقت ثغرها 
لسة بنتك ياجواد بعد ماخلفت أربعة
انحنى يضع جبينه فوق جبينها 
لو خلفت مليون مرة هتفضلي اجمل وأعظم بنت لقلبي ياروح قلبي 
أغمضت جفونها تتمتم 
بكاش اوي ياجود حاولت تحريك أقدامها فاتجهت بنظرها له 
الرحلة بدأت ياابو العيال ساعدني عايزة اتحرك بسرعة 
ابتسم وهو يمسد على خصلاتها 
استني شوية حبيبتي تفوقي من البنج..وضع حجابها على خصلاتها وسمح بالدخول 
دلف صهيب وهو يحمل ولديه
انتوا بتغروني على فكرة نفسي اعرف بتعملوا ايه عشان بتجيبوا بالتوم 
نظرت غزل للأسفل وتوردت وجنتيها بينما رفع جواد حاجبه ساخرا
دي حاجات صعبة على صحتك يابني انت هتحسدنا احنا والعيال
قهقه عليه بصوت مرتفع ثم اتجه بنظره الى غزل 
زوزو حبي بقولك ماتسلفيني البت غنى توقف عن الحديث 
البنت دي هتسموها ايه صحيح 
جذب جواد ابنته من يديه 
هات يابني ربنا يستر على البنت عينك مدورة نظر إليها ثم رفع نظره الى غزل 
البنت المرادي شبه جاسر ياغزالتي يعني متعادلين ثم اتجه بنظره الى طفله ..ضيق عيناه قائلا
هما شبه بعض اوي ياصهيب ولا أنا ال بتخيل
ربت صهيب على ظهره ثم انحنى يطبع قبلة على جبين الطفل متوجها الى غزل 
خدي يازيزوسمي الله واحضنيه..اوقفه جواد
استنى هي لسة مش هتقدر تشيله اصبر شوية 
رفع جواد ابنته يؤذن بآذنيها ثم اتجه بأنظاره الى غزل المټألمة
ايه رأيك في ربى حلو الأسم 
اومأت برأسها 
حلو ياحبيبي الأسم وخفيف 
اخذ الطفل الثاني وفعل معه مثل ابنته توقف ينظر إلى صهيب 
حلو اسمك يلا هسميه صهيب اهو يبقى عندنا زفتين صهيب 
قهقه صهيب عليه مردفا
لا بلاش صهيب عشان حازم وسيف ميزعلوش
وضع الطفل في يديه عندما استمع الى طرقات على باب الغرفة 
دلفت نغم بجوار ريان 
حمد على السلامة لسة واصلين القاهرة قالونا انك بتولدي
تحرك جواد بعيدا متجها إلى ريان الذي يقف على باب الغرفة تناول منه الولد 
بسم الله ماشاء الله..سميته ايه!
استدار إلى صهيب الذي وصل إليهما 
اهو جه ريان هو ال هيسميه 
طبع ريان قبلة على جبينه
ربنا يبارك لك فيه هو اخواته رفع نظره إلى صهيب
اشمعنى انا ال اسميه ربت جواد على كتفه 
خلاص صهيب حكم عليك تسمي الولد احنا سمينا البنت ربى سمي انت الولد 
ظل ينظر للولد بصمت ثم أردف
ايه رأيكم في أوس اسم حلو 
أوس..رددها جواد وهو ينظر إلى صهيب الذي أومأ بعينيه
بالداخل جلست نغم بجوار غزل متسائلة
فين مليكة ونهى..اجابتها
نهى تعبانة بسبب الحمل ونايمة معظم الوقت ومليكة قاعدة مع الولاد كلهم وماما نجاة في الطريق كانت في الفيوم هي وبابا
مسدت على خصلات الطفلة 
ماشاء الله حلوة اوي ياغزل ربنا يباركلك فيها ويحفظها حبيبتي
امنت غزل على دعائها ثم تسائلت
قولتي للباشمهندس ريان على حملك..
تنهدت نغم وتذكرت حديثه بالأمس
فلاش باك
رمقها بامتعاض يعني عملتي اللي في دماغك برضو يانغم
وايه الهبل اللي بتقوليه دا.. مين اللي بسهر معها عشان اعاندك انت شكلك اټجننتي
اسبلت اهدابها متحاشية النظر إليه كي لاتتقابل عيونهما وتضعف أمامه
حياتي وأنا حرة ياريان أعمل اللي انا شيفاه صح وبدل أنا اللي بتعب يبقى إنت زعلان ليه
اقترب منها بهدوء ممېت 
عيدي الكلام اللي قولتيه كدا يا نغم حياتك وانت حرة طيب وأنا فين من حياتك.. وانت بتتعبي بس يعني أنا بكون مرتاح وأنا شايف تعبك
بدأت ش. فتيها بالار تعاش 
ريان إنت كل مرة بتعاتبني عشان الحمل.. من بعد ماخلفت عمر وكل مرة بقعد أتحايل عليك ولازم يحصل مشاكل..